唔憂無人食的牛腩

傳聞九記好「寸」，又係嘅，好食自然有捧場客！始終食物都是最重要的！食了九記都有4，5次，今次終於動筆寫寫。

來這裡梗係食牛腩，望到餐牌子，咖哩牛腩粉麵的叫價比上湯的貴上差不多10蚊，故選擇了上湯。牛腩就是要配河粉，這是我認為的必然配搭！

不消一會，一大碗牛腩湯河便來到面前。牛腩望上去已經十分吸引，不是只有腩肉，而是帶點脂肪那種，該是十分甘香的。

未吃前，一定要喝一口湯。一嚐店的湯底，便知道其「根底」，是龍還是鳳～一試，果然名不虛傳！據說是用了多種中藥及牛骨熬製的，難怪牛味濃郁，味道清甜，不是一般餐廳的豬骨湯、雞湯等湯底可媲美。

別以為一碗很少，其實分量蠻多，6，7塊牛腩下，河粉是滿滿的一碗。牛腩的瘦肉和油脂比例平均，吃起來夠稔但不肥膩，有油香甘腴的感覺，水準極高！河粉吸了清湯的精髓，滑溜可口，大滿足！

不過，來這裡吃東西會有點壓力，哈哈。因為點食物要夠快，夠準，否則老闆的臉會變得無表情，唔講嘢但個勢已經嚇死人個種！XDDD 寸？人哋寸得起！

我唔明點解牛腩撈麵特別貴，要6x一碗！！想試，但真心覺得貴呢～～

搵食點：九記牛腩
搵食方向：中環歌賦街21號地舖
代價：$48 (好似係？)