港．嘆韓國人氣年糕鍋

這店在旺角剛開張時，我已經想試，但一直大排長龍，所以遲遲未有機會嘗到。最近，它在銅鑼灣開了分店，人流疏導了，這個週末下午，我終於可以跟朋友來感受它的威力。

不說不知呢，原來這店是從韓國來的，因為位於韓國三清洞的小巷內，所以名字就有「三清洞」喇！香港店是特許經營模式呀，但食譜跟韓國的沒分別，我突然覺得很感動，因為不用飛到韓國都可以嘗到當地的人氣食物呢。

這店是吃年糕鍋，下單時有數個步驟：

1. 你喜歡的年糕（芝士 / 海鮮 / 烤肉 / 部隊（午餐肉）/ 雜菜）

2. 年糕鍋裡的麵條+$25（拉麵 / 韓式粉絲 / 烏冬 / 細麵）

3. 年糕的配料+$18（午餐肉 / 紫菜卷 / 雞蛋 / 豬肉餃子 / 炸餃子 / 魚餅 / 芝士（$25））

4. 選擇炒飯，於品嚐年糕後奉上（炒飯 / 芝士炒飯）

我跟朋友二人行，選擇了海鮮鍋配韓國拉麵、紫菜卷、炸餃子和芝士炒飯。

海鮮年糕鍋內有青口、魷魚及魚餅，另外還有年糕。湯底是用了店家秘製的醬料製成，甜中帶辣。

芝士份量不少，吃這個鍋最開心的一定是看到芝士在溶化……每次夾食材上來吃，都要先跟芝士拖拉一番XD不過，這就是樂趣！

青口、魷魚和魚餅都吸收了湯底的精華，入味得很，很惹味。

　

年糕口感煙韌，令人吃到停不下口。我們選擇了拉麵，其實即較硬身的即食麵。

經過在鍋內一段時間的浸煮，已經變得軟身，而且吸盡了湯底的精華。不過，夾麵上來才是吃這鍋的重點！因為溶化後的芝士會與麵條纏繞在一起，往往也會出現吸睛的「拉芝」效果，十分邪惡！這根本就是在吃芝士麵，拌上少許湯一起吃，十足就是芝士辛拉麵，哈哈！

紫菜卷外皮炸過，我就沒有放進鍋內，就這樣吃。原來即是炸紫菜飯卷，又挺特別的呢。

雖然我跟朋友吃這鍋已有點飽，但芝士炒飯還是必須吃的，嘻嘻。

賣相看起來不太吸引，朋友說好像一大堆螞蟻……其實那是加入了紫菜的芝士炒飯。這芝士炒飯不但有紫菜和芝士，還有粟米，材料豐富。

鐵板上桌，大家可以自己把飯和芝士再拌勻，芝士還可靠鐵板的熱力保持在半溶狀，吃的時候，自然也會有拉芝效果啦。

芝士炒飯香噴噴，值得一讚的是，其味道沒有如年糕鍋那樣濃，以此作結亦不錯呢。

餐廳環境不錯，夠寬敞，空間感大，座位亦舒服。抽風系統也良好，三五知己吃飯聊天也不錯！

雖然，這個鍋在家中也可以做到，但在家就是不會讓自己做這等邪惡的事……所以，還是到餐館吃這邪惡美食吧！

搵食點：三清洞摩西
搵食方向：銅鑼灣渣甸街50號渣甸中心1樓
代價：$222（二人）

一生中必試．高質素日式燒牛肉放題

第一次食日式燒肉，梗係要食最好架啦！

平時跟朋友吃飯，我甚少選擇放題。一來我吃不多，二來坊間放題質素參差，實在不能說服我花錢去試。不過，韓式烤肉吃得多，日式烤肉卻真的從未試過，我覺得，要試的話，不如徹底點，吃家好的！於是，這次決定把我的 to-eat-list 清一清，到盛八這家日式燒肉專門店豪一次呢！

這店一直在我的 to-eat-list 之上，因為聽說它的牛肉很高質素。雖然我還未懂甚麼和牛等級，更別說分辨美國、澳洲或者日本的牛，但我有的是味覺。放在嘴裡，哪個好吃，一試就知。「盛八」的評語一向不差，加上牛肉之外的肉類和其他食物看起來也不錯，令我和朋友十分期待！

入座時間為平日（星期一至四）晚上7:30，所以人不算多，但不乏walk-in 及訂位的客人。朋友未到，我先入座拍拍周圍的環境。

這裡空間感大，桌子之間的距離多，客人坐得舒適之餘，服務員工作也方便得多。店內以「木」系裝潢為主，感覺型格，但又不失傳統日本餐廳予人那種「實在」的特色。

桌子旁的柱子有個掛勾，我想是讓客人掛頸巾之類的吧，的確貼心。桌子上的餐具也擺放得整齊，令人愜意。

我跟朋友兩人，決定選了不同的餐，然後開心share ! 一個是$268的澳洲黑毛和牛，另一個是加$30升級（即$298）的日本得獎鹿兒島和牛，這樣便可以品嚐到較昂貴的日本和牛到底有多美味！

升級後，我們會有「澳洲黑毛和牛」和「日本受賞鹿兒島和牛」各一碟，然後可以任選餐牌內有號碼在旁的食物和飲品。要是想跟有酒精的飲品，則要每位另外加錢。我跟朋友這次主打「牛肉」，所以除了雞翼外，我們的肉類都是牛肉和少許海鮮，另外還有點了些沙律、小食和甜品等。

醬汁碟己一早準備好，左起為：燒汁、檸檬汁和蒜蓉汁。其實我甚少蘸，因為我想嘗到牛肉的鮮味；我亦相信，好味的牛肉是不用依靠醬汁，也可將我的味覺融化。

黑松露蘋果野菜沙律：點這個是因為從未嘗過黑松露配沙律，嘗過後覺得兩者搭在一起也頗特別。醋跟蘋果一起，令「酸」味更強，絕對是開胃之選。

我們的主角出場了！日本和牛（上）V.S.澳洲和牛（下） ！

先吃澳洲和牛，看上去脂肪比例分佈平均，應該不錯。吃起來肉味濃，肉質鮮嫩。然而，當我吃了升級的日本和牛後，我便明白到甚麼是「入口即溶」，「肥而不膩」！

日本和牛一咬落去，牛油「咇」出來，即時令牛肉變得濕潤，脂肪加熱後變成油，甘香無比在嘴裡慢慢溶化；這牛肉的肉質亦比澳洲和牛更嫩更滑。

我終於體會到「一試難忘」的感覺。以後吃燒牛肉，一定也要吃這種級數呢。可惜的是，這兩種牛肉不設追加，任食的項目只是餐牌內有數字的食物……

此外，我們還吃了各款餐牌內的牛肉：像牛胸腹、牛五花、一口牛、牛舌；還有為了滿足我們好奇心的拖羅、手羽先和魷魚鬚。

我尤其喜歡一口牛和牛舌，可能因為我喜歡有「咬口」。一口牛和牛舌較厚身，需咀嚼，吃起來亦會較有口感呢。

牛胸腹較少肥肉，吃起來沒五花般多油，但是五花的油甘香會較重，就看你個人怕不怕油吧！

拖羅，即豚肉。不是不好吃，不過個人覺得在這裡吃的話，一定要先嘗盡牛肉！手羽先其實是雞翼，燒烤又怎可能不燒雞翼呢？我想，那大抵會令這次燒烤更圓滿吧。

各種肉類上桌時，其實已經不懂分辨哪個是哪個，但我跟朋友總是會知道我們想encore的是甚麼，哈哈。

吃燒肉的同時，我們也吃了一些小食：如韓式手造餃子、枝豆、盛八豆腐、粟米忌廉薯餅、海鮮煎餅、粟米、香草牛油燒大蘑菇和極上和牛湯烏冬。

韓式手造餃子是煎的，上桌時是暖的，外皮煎過，入口香脆；餃子包有肉餡，沾著隨上的醬汁，酸酸甜甜的，十分可口。枝豆正常得很，愈吃愈好味，朋友還追加了呢。

盛八豆腐入口很軟滑，淋上了酸辣汁，味道更棒！

粟米忌廉薯餅幾脆口，日式薯餅加沙律醬一起吃，不錯，但玉米不多。

粟米配有牛油，留它在錫紙碗內加熱，吃時粟米充滿牛油味和其香氣，未吃已經令人流口水。

很多人都說這個香草牛油燒大蘑菇是必食的！吃完後，我也十分同意！乍看以為蘑菇旁的是甚麼芝士，原來那是香草牛油。蘑菇預先切好，碗內加入了一團香草牛油，加熱溶化後，蘑菇吸收了牛油汁，菇味更加突出，而且超juicy，嘴內盡是牛油的香味。

最後才吃這碗極上和牛湯烏冬。可能燒的牛肉太好吃，惹味得很，一時間吃回涮的和牛便覺得有點遜色。鳥冬很軟滑且彈牙，是我喜歡的口感。

還有甜品呢。本來我們各點了不同口味的雪糕，分別是盛八淇淋和豆腐雪糕，但因供應有限，我們二人都只能吃盛八淇淋。

這其實是雲呢拿雪糕，不過上面加上了黃豆粉和焦糖醬，令味道更豐富！

雖然，我倆在這次燒肉主打牛肉，但我聽到鄰桌的人對其他肉類（如豚肉、雞肉）各和海鮮等的評價也不錯，所以大家不妨來試試呢！值得一提的是，每次燒肉後，身上的油煙味都令我很反感，但這一次燒肉後，我身上卻沒有很強烈的味道呢！太神奇了！

當我每次想到升級才能嘗到的那片日本鹿兒島和牛，都會很回味，這家店的回頭率實在極高！（認識我的人都知道，我甚少翻「撻」食店XDD）我想，我會再來的！

搵食點：盛八日式燒肉店

搵食方向：尖沙咀亞士厘道23-25號雅士利中心3樓

代價：晚餐$238/位（加一），$268/位（加一）［升級］；晚上9點半後有折

【又試新嘢】期間限定！卡樂B西班牙辣肉腸薄餅味薯片

上次試過「西班牙海鮮飯味」，已經同大家預告過會試埋「西班牙辣肉腸薄餅味」。

終於有得賣喇，前幾日都幫大家率先試咗味喇！係咪好想知，到底好唔好味呢？快啲睇報告喇！

呢包西班牙辣肉腸薄餅味薯片，同西班牙海鮮飯味最大嘅分別，一定係個外形，今次呢包嘅薯片係波浪紋，有人覺得食落去，較有口感。

打開包薯片，傳嚟一股辣味，同時又帶有一股煙燻香氣……真係令人懷念西班牙烤肉腸嘅味道。真係忍唔住喇，二姐夫今次竟然率先搶閘食第一！

薯片食落有香濃芝士味，因為薯片上有半溶芝士粒，真係好足料！慢慢細味，真係食到肉腸味，仲有啲煙肉味，好正呀！雖然唔係好辣，但係辣味同肉腸加芝士夾起嚟，好惹味～加上波浪切紋，更加令人食到停唔到口！

雖然我未真正食過「西班牙辣肉腸薄餅」，不過，呢包薯片嘅辣肉腸咁出，加埋上面啲芝士應該就係「西班牙辣肉腸薄餅」嘅味道喇～通常  PIZZA 都係多咗啲包同芝士嘛  XDDD 應該係咁～～～

咁到底邊個味好味啲呢？今次大比數認為呢包「西班牙辣肉腸薄餅味」好味啲！因為味道多層次，夠惹味，而且口感都特別！而我個人就更加欣賞，佢能夠喺未食之前嘅已經用香味吸引到我呢一點！^^

【重溫】卡樂B西班牙海鮮飯味薯片試味報告

搵食點：各大超級市場及便利店

代價：$10.9（部分店舖做緊特價，買2包有平）

【又試新嘢】期間限定．一間分店發售．M記紅豆紫薯窩夫

之前食過M記出品嘅紫薯雪糕，水準真係唔差，不過估唔到，食咗一次，想再食嘅時候，雪糕雖然都係紫色，不過味道就由紫薯變咗紫芋……

前幾日收到風，知道原來仲有一個地方有紫薯新地食，就係全港唯一一間嘅Ｍ記概念店。咁好彩，我日日返工都經……哈哈，仲唔係註定要我試食？！

呢個絕對唔係一般紫薯新地咁簡單，而係「紅豆紫薯新地配比利時窩夫」。（呀，個名長到咁……簡稱「紅豆紫薯新地窩夫」啦！）見到張相，覺得好吸引。因為唔止有紫薯雪糕，仲有我鍾意嘅紅豆，所以我好想試！

去到櫃檯，我先知道原來呢個嘢要$38（呀，咁貴……），有啲猶豫，但最後都係買咗。

賣相方面，都算符合參考圖片嘅，冇咩出入……只係啲紅豆同個窩夫無圖片影得咁靚囉。

味道方面，先食紫薯雪糕。咦，點解咁甜嘅？好似比之前食嘅紫薯味雪糕甜咗？試多幾啖，都係一個字——「甜」。我嘗試仔細咁搵下久違嘅紫薯味，但SORRY，我真係食唔出有紫薯味！T^T

紅豆我都鍾意食架，紫薯雪糕唔得，我都希望紅豆好味，紅豆，難食極都有個譜？睇見佢每粒都幾飽滿，又大粒，應該唔錯。一食，又出事！搞乜咁甜架……仲甜過個雪糕……叫人點食……

最後，我只好將所有期望都放喺原本最冇期望嘅窩夫上面。呢種係比利時窩夫，同平時個啲唔同，呢個無咁厚，中間薄啲。外皮可能因為淋咗紅豆醬喺上面，所以唔脆。不過，係連無醬嗰啲部分都唔脆……好失望！

呢次我嗰「三十八蚊」真係「完了吧，如無意外……」

性價比好低……即使拆開３樣嘢嚟睇，每樣十幾蚊，我都完全睇唔出有邊一部分係物有所值……完全係「伏」!

令我更加不滿嘅係，某間雜誌係咁樣寫「冰火兩重天，凍冰冰嘅紫薯新地雪糕，加上即焗窩夫以及熱辣辣紅豆醬。一個字，正！」（我肯定佢無食過，我諗大家都預咗嘅……係我傻唧=[）

不過，每個人嘅容忍度同口味都唔同，我絕對唔會阻止你去試，仲會好鼓勵你去試，試完可以同我交流下，睇下係口味問題，定係產品問題。我唔知賣到幾時，因為佢話「期間限定」……想試想食就快手啦！

搵食點：全港唯一．麥當奴概念店

搵食方向：金鐘海富中心地下麥當勞

代價：$38