女仔相聚好去處 [下一站...甜品 (佐敦)]

下一站...甜品
地址:佐敦渡船角文苑街38號地下
電話:2783 8368
消費:$30-$50

下一站..甜品, 我從上海EXCHANGE一個SEM返黎之後,就一直都好想去試!!!
試完個感覺真係幾好, 我會同其他朋友再去試其他甜品架!!

雖然間舖個位置唔多就腳.不過我始終覺得, 要食好野的話, 就算付出D腳力都冇所謂啦!!

去到間餐廳, 見到個環境都幾舒服,雖然滿座,但都唔會好似其他甜品店咁行都行唔到! 有D空間感, 食都食得舒適自在D!

打開個MENU,好多野都想食, 加上之前睇左飲食男女個APPS的推介同埋見過甜品D相, 真係好多都想食!
而且當晚我冇走DINNER,同朋友10點幾黎食, 真係幾多都食得落囉XD

最後, 我們決定問下落單的叔叔有冇好介紹。叔叔好友善呀, 除左介紹左佢覺得好的之外,仲講埋D熱門甜品。

我呢個人最難服侍既, 咩都想知, 見到D名奇怪少少既都會問一大輪,但最後又唔點既。不過叔叔都冇躁底,仲答得好詳細!! 真好!!

經過一輪商討(其實我們得2個人lol).... 我們決定要鳥結糖芭菲同黑胡椒心太軟

廢話少講, 野食登場喇!!
第一道係鳥結糖芭菲。嘩! 真係好靚!

色香味, 呢個甜品已經嬴左2/3喇!! 哈哈!

睇真D!! D 焦糖係閃架!! 我同個朋友係度講既時候, 叔叔話呢種閃的焦糖唔容易搵架,一般酒店先會有。至於呢度點解會有?佢冇講,不過我記得之前飲食男女講過店主們都是出身某酒店的糕餅部,可能因為咁,有D門路囉。芭菲唔同雪糕,冇咁快融架! 好重鳥結糖味呀,, 都食到D NUTS!! 同埋上面塊野一齊食, 幾特別!不過我個人覺得呢個比我想像中遜色,沒那麼特別。不過喜歡鳥結糖的朋友一定會喜歡 =)

終於到黑胡椒心太軟!

黑胡椒心太軟

估唔到, 呢個甜品係咁吸引架!! >3<

我最初好擔心佢會好辣,食完一啖就食唔到。原來事實係完全相反!!平時食心太軟, 食左2,3口就會放慢速度, 慢慢食, 因為好膩,要消化下先。但係,呢個唔知係咪因為有黑胡椒的關係, 當D 心太軟的朱口力味係個口度散開之後,再左喉嚨個陣, D辣味就會開始揮發出黎!! 呢個時候原來係會將D甜味同膩的感覺中和左!! 呢個時候就應該再加埋D雪糕食,,因為雪糕可以解辣呀!! 嘻嘻! 

當我咁樣食的時候, 我就完全唔覺得辣,又唔覺得膩!! 真係食幾多都唔怕!!

我同朋友都覺得呢餐幾滿意。服務同食物都挺好的! 而且選擇雖然不多,但主打西式甜品得黎而且都是有創意,新意的, 唔係度度都食度既,, 香港都唔係好多間咋喎。

個頭全部都係食肆,,真係一日3餐唔同地方都冇問題呀!! 哈哈!! 一定有下次的!!

之前睇人地寫食評就睇得多, 都收藏左好多心水店舖去試架! 今次係我第一次寫香港食肆的食評!!! 請多多指教!

本文在OPENRICE（香港）的連結: http://www.openrice.com/restaurant/commentdetail.htm?commentid=2288689