【又試新嘢】真心推介 極濃極滑朱古力味雪條

上星期，食完LUNCH有啲口痕想食雪糕，就去OK便利店買嗰啲新出嘅雪糕。本來想食有曲奇餅個種雪糕三文治，點知冇得賣。當時好想食朱古力味嘅嘢，就買咗呢條　Futaba 朱古力蛋糕雪條。

包裝上面寫住CAKE，其實唔係好明點樣整蛋糕味？雖然抱住懷疑心態，但我呢啲唔驚中伏嘅，面對美食就係大無畏，試咪試囉！

Futaba 朱古力蛋糕雪條

 打開包裝，雪條外形上冇乜特別，外面係脆皮，但睇起上嚟好似好滑，感覺上係比平昤食開嘅脆皮雪條外面嘅滑好多。

係咪好滑呢？ 

一咬落去，真係嘩一聲！塊皮脆得嚟，真係堅滑呀！好似真係MELLTYKISS 嘅朱古力咁！好正！

中間有朱古力粒，好幼好細，溶在口中。

雪糕呢？朱古力味超濃，正如圖中所見，中間仲有啲朱古力粒，而呢啲朱古力粒唔使咬，會同雪糕一齊喺口裡面溶，好正！外皮脆但又好滑，雪糕又軟，食個時有種兩者二合為一嘅感覺，平時食脆皮雪條都未試過有呢個感覺。唔怪之得佢叫做「CAKE 」，因為佢嘅口感真係好似食緊凍嘅朱古力蛋糕，又有層次。

今個夏天呢，就買枝嚟試下啦！

搵食點：OK 便利店

代價：$11