【民豐粉麵行】足料韮菜餅

聽人講呢度啲韮菜餅呀，餃子呀都好好味，呢日去開荃灣，就試下啦！

因為之前經過問過，知道要下午先有得賣，所以今次就醒目咗，３點幾先去。

韮菜餅到手，可惜依然買唔到餃子。

韮菜餅同餃子都係韮菜唧，應該差唔多吧！

韮菜餅好油，個紙袋都「索」咗啲油變稔咗……

食落去，韮菜餅啱啱整起，所以熱辣辣，好香口。不過，食咗幾啖，我就已經覺得好油膩，唔想再食落去喇～

不過，講真，塊餅真係好足料，好多韮菜～不過對我嚟講就真係油咗啲囉～～～

下次都係試返餃子啦～

搵食點：民豐粉麵行

搵食方向：荃灣街市街35號

代價：$11