【又試新嘢】維記綠茶雪米糍試食報告

前晚行7仔想買雪糕食，心水雪糕就未搵到，但就畀眼利嘅我發現呢個牌子嘅雪米糍出咗新口味！嘩！又係青BB嘅嘢食，抹茶控一定好開心啦！

新包裝幾靚，天氣咁熱，拎到返屋企咩凍都解完啦，即食！

打開裡面，真係綠色架，外面同平時一樣有啲粉。

啲皮勁薄喎，好似比之前薄咗；食落去，又幾軟。中間啲雪糕好滑，綠茶味呢，就……似乎就係牛奶味太濃，綠茶味就唔多出位喇～要食多幾啖，慢慢搵下先會食得到喎～

價錢方面，雖然唔可以同其他口味嘅雪米糍夾埋２包嘅優惠，但本身已經有特價，賣到$8.2！想試下或過口癮嘅話，就快啲去買嚟試下啦！

搵食點：7-Eleven
搵食方向：梗有一間喺左近
代價：$8.2