【糖室】有 heart 甜品店，加油！

之前放大假，只有一天，想不到去哪裡，就找個老同學去一起HEA一下。老同學現在放暑假（她是老師），絕對是即興玩樂的好同伴。有住附近的朋友到訪這裡多次，說這裡坐得舒適，食物也不賴，聽到有人「擔保」，同學就不怕試新嘢，最後我倆便來了。

在門外看到這餐廳時，已經被店外的吊床吸引，感覺很悠閒自在，有種「放空」感覺。坐下來，看到右邊右個書夾座，夾著的紙上寫著「躺室」。原來這裡跟「躺室」是同一公司，難怪這裡叫「糖室」。哈哈，很有趣！

雖然食過的朋友介紹話抹茶心太軟好食，但今次一齊去嘅朋友唔喜歡抹茶，所以一切抹茶食物都可以略過。吃甚麼好？朋友說她已決定好。10秒都未夠就決定了，這麼快！我還是現在才知道這位老同學喜歡玫瑰系甜品，她來之前已經對我說要 mark 實這個「玫瑰荔枝冰」($36)。

玫瑰荔枝冰($36)

想不到，實物賣相跟參考圖片一樣吸引，也同樣好看。

刨冰是玫瑰花乾花和花瓣。在這個甜品面前，同學著實比我雀躍。這座紅白冰山之下，藏著啫喱（我也不知是蒟蒻還是啫喱了）。單是吃著冰，感覺也透心涼。

荔枝在哪裡？吃著，答案便揭盅了。冰山之中的核心就是荔枝味的雪米糍，真夠特別！而最下面的就是乳酪雪糕，嘩，吃這個甜品就像挖寶藏，不斷有驚喜！

覆盤子梳乎厘 Oreo 撻 ($56)

我平時好少食梳乎厘，一嚟覺得食咗等於無食，好似一陣風咁，二嚟無乜特別，都係嗰種味。不過，我今次就係呢度試咗個梳乎厘，因為實在太特別。梳乎厘唔係平時食開嗰啲咁高，因為係撻，有餅底，所以係橫向發展，勁大盤。加上有raspberry同Oreo，真係可以吸引到我試。

呢個撻有6吋，雖然感覺係以空氣（蛋白）為主，不過仲有Oreo同覆盤子，都係唔可以睇小。上面有啲乾玫瑰花，甚得友人歡心啲。切開裡面，有好多raspberry同Oreo。

前者夠酸，而Oreo亦只係做餅底，成功將梳乎厘嘅滯膩感中和咗～食多幾啖都唔覺得evil～

啲甜品真係好特別，感受到廚師嘅心思同誠意～雖然唔知幾時先會再幫襯，不過依然想說：加油喲！

搵食點：糖室
搵食方向：石硤尾南山邨商場平台熟食亭C4號
代價：$92