【又試新嘢】沖繩紫薯撻試食報告

經過聖安娜，見到出咗新嘢！嘩，係紫薯撻同蛋糕呀！紫薯迷嘅我即時雙眼發光！雖然$19蚊，但我都忍唔住買嚟試！

拎到返公司，個撻個樣竟然無變過，好 surprised，證明撻底夠硬正。

紫薯撻有幾層，外面的是紫薯蓉，話係用上沖繩紫薯。唔知堅唔堅，但食落去係幾幼滑軟綿，甜度都啱啱好，唔錯。

紫薯蓉之下就有吉士、忌廉同少少蛋糕、食落去個味道同口感都幾配合，幾夾，最重要係唔會覺得「膩」同「油」。撻底咬落幾脆身，無變稔，整體嚟講，都唔錯。

同東海堂嘅紫薯撻相比，我覺得呢個優勝啲，好像呢個都賣得平啲喎！

另外仲有栗子系列可以揀，有興趣嘅可以試埋呢！

搵食點：聖安娜餅屋
代價：$19