【冬天要來】必食暖笠笠紫薯甜品

天氣開始涼，飯後甜品唔再想食雪糕喇，所以今次就介紹大家去食其他甜品。

紫薯控嘅我，就睇中呢間新派中式甜品店嘅新產品——紫薯甜品系列！

新出嘅紫薯系列甜品有好多款，如紫薯芋圓蕃薯糖水、紅豆沙、西米露、豆腐花，或者配香芋雪樂冰同埋涼粉。蕃薯糖水、紅豆沙同豆腐花可以揀熱。

我同朋友都揀咗紫薯蓉芋圓豆腐花，因為想食熱嘢。

當晚都幾多人，食物都等咗好一陣先嚟到，暖暖哋。

呢碗紫薯蓉芋圓豆腐花都幾多料，除咗中間大大嚿紫薯蓉之外，仲有三種顏色嘅芋圓同豆腐花。

紫薯蓉好足料，而且紫薯味好濃，入口細滑，但又唔覺加咗奶或者忌廉，證明係真係攪到將紫薯變成蓉！中間食到少少紫薯粒，即係真材實料啦！

芋圓有三種，分別係紫薯圓、黃薯圓同芋圓。三種都幾好味，口感幾Q彈，甜度都適中。如果真係要挑剔，就係芋頭圓無其他２款咁煙靭。

豆腐花無加糖水都已經甜甜哋，入口都幾滑。

我嘅焦點都係放喺紫薯身上，所以其他都覺得OK～紫薯控不妨去試下丫～

搵食點：海記合桃坊甜品
搵食方向：太子西洋菜南街232號
代價：$28