搵食方向：灣仔灣仔道181號長春大廈B舖
幾個月前，朋友在灣仔一家新開的 café 店給我買件蛋糕作預祝生日。那件蛋糕很特別，是熱情果與芒果的配搭。那時候，我想打卡 tag café 時，似乎還未有任何足跡的。然而，數個月過後，這 café 卻成了不少蛋糕愛好者的打卡勝地。
紫薯控 $38
造型吸引不在話下，最令我期待的是它的味道！到訪時，看到蛋糕櫃裡已經售完，內心不安地問店員，是否沒有「紫薯控」了。帶著俊俏臉孔的店員回答：「你想要紫薯控嗎？我做給你吧！」呀！做給我？！即做？！
拍照後，用叉橫切著紫薯蛋糕……啊！
原來圍繞著中間圓柱狀蛋糕的紫色都是紫薯蓉！入口幼滑細膩，絕對沒有半點粉粒，紫薯蓉的甜味自然不造假；海綿蛋糕口感鬆軟，蛋糕軸心內藏著是像雪糕般的紫薯忌廉和滑溜的紫薯蓉……羽毛般的白朱古力亦不過甜，可見蛋糕師傅一絲不苟。
這「紫薯控」蛋糕完全擊中了紫薯愛好者的失控點，絕無還擊之力！
提子冧酒芝士 $38
從上面的相，你也猜到我們吃的另一件蛋糕是甚麼。
提子冧酒蛋糕不常見，再拼合芝士蛋糕，更是罕有，小店竟然放棄走大路線，專心做自己想做的蛋糕。這提子冧酒芝士蛋糕首先吸引人的眼球，乃因它外面用上流行的海洋色鏡面裝飾，以及上面以白朱古力雕塑成的珍珠貝殼，女生大愛！
切開裡面，就是芝士和蛋糕。芝士屬輕盈類，不太濃也不太膩，但唯獨沒有甚麼冧酒味，想這令不少冧酒迷失望。
慢慢走向蛋糕的中心，提子乾露出來了。提子乾滿是冧酒味，所以不會乾，而是十分多汁軟身！冧酒迷吃到這裡，希望應該可以重燃吧？
熱情果芒果 $38
熱情果芒果 $38
這就是數月前，朋友外賣給我的生日蛋糕。是否也很美？
未吃之前，我問朋友這是甚麼味道的蛋糕，她跟我說熱情果，又芒果，我還以為自己聽錯，因為沒有想過會有這個組合的蛋糕。
先是熱情果味，後是芒果，先酸後甜，就像吃咕嚕肉般的，難以停下口來。中間的果蓉，該是兩者的結合吧？酸酸甜甜，非常過癮！
這蛋糕的味道著實令人難忘，我想朋友該是希望我能記住這個味道，記得是她曾經送我這個蛋糕，給我這個獨特的味覺享受……
朱古力奶 (點蛋糕另加$15)
點蛋糕，可以加$15配咖啡、茶或者奶，我選了朱古力奶。
點蛋糕，可以加$15配咖啡、茶或者奶，我選了朱古力奶。
沒想到的是，朱古力奶也會附上拉花！
這杯朱古力奶，絕對是我喝過最美的一杯！不得不讚的是，小店用的杯是十分精美，配襯上拉花，絕對是店名所說的「Perfect Match」！
朱古力奶不過甜，但可可味亦不至於苦澀，恰到好處。拉花十分漂亮，即使要喝，也捨不得破壞。
Green Tea Latte (點蛋糕另加$15)
朋友選的Green Tea Latte。
在奶和抹茶味的比重上，令人意外的是，抹茶味較濃，抹茶控朋友變得興奮，之後都一直甜笑著喝完整杯 Latte，更對小店大表滿意！
小店座位不多，除了蛋糕、甜品和飲品外，還會提供新鮮沙律、意粉和三文治。食物價錢亦不會因時段而提高，晚餐午餐全天一樣。到訪當天亦有不少附近上班的人前來，吃得悠閒自在。要是這店在我公司附近，絕對恨不得天天都去呢！
離去前，跟店主聊了幾句，對他道謝即做「紫薯控」蛋糕。他說下次可以打電話預留蛋糕。我只好表示自己不是在附近上班，是從金鐘特地去吃的。他跟另一位女店員都覺得驚訝，而且很開心，說我下次想吃的話，可以預早致電，讓他們可以準備。他們表示，在這裡開餐廳，賺得最多的不是金錢，而是與客人的關係和感情。單是他們的待客之道，我跟朋友已感受到當中的人情味。
第二次再食！！
【再訪 Perfect Match Café】
有咗上次嘅經驗，我哋今次去之前打電話預留咗部分蛋糕同甜品，保證去到有得食嘛！有兩款甜品我哋無食到，不過因為隔離檯點咗，畀我哋影埋。可能你會覺得好奇怪，不過呢間café嘅老闆同客人都好nice，感覺就似朋友一樣，有傾有講。即使大家本來係陌生人，但一講到餐廳同食物，都好似一見如故，一家人喺度食飯一樣，感覺好溫馨。
Carbonara 卡邦尼亞意粉 $50
上次見到其他客人食，就聞到好香，搞到我好想食，所以今次我決定要試。同平時食嘅有啲唔同，呢個卡邦尼意粉無咁濕，感覺無咁多cream，但食起嚟依然好cheese～
意粉以外，仲有蘑菇片同煙肉，兩樣都炒得好香。上碟後仲灑咗唔少芝士碎，好足料，唔怪知得啲芝士味咁濃啦～
Smoked Salmon Salad 煙三文魚沙律 $48
朋友食嘅煙三文魚沙律都好正，我見到啲金黃嘅麵包脆脆就好想食，感覺超新鮮，同外面食嘅唔一樣。沙律菜十分新鮮，雞蛋唔係凍冰冰，而係室溫，估計係烚好咗一會。
三文魚睇落都好新鮮，而十分吸引我嘅麵包脆脆果然無令我失望，入口鬆化香脆又有咬口。
Club Sanwich 總匯三文治 $48
Club Sanwich 總匯三文治 $48
胃口大嘅朋友以為三文治唔會好飽，就叫咗甜品同飲品。點知呢個總匯三文治份量十足，賣相亦不錯，色彩繽紛。
三文治材料豐富，夾有煙肉、火腿、蛋、蕃茄、芝士、菜和沙律醬；朋友大讚食材新鮮，每件大小適中，易入口。加上顏色鮮艷，令佢食欲大增。配埋沙律菜一齊食，夠晒飽肚。
Chocolate Truffle 朱古力松露蛋糕 $38
Chocolate Truffle 朱古力松露蛋糕 $38
呢款朱古力松露蛋糕，朱古力味十分濃郁！
一嚟就已經聞到朱古力嘅香味，外形亦非常誘人，上面朵朱古力花手工精巧，大顯師傅手工！蛋糕口感幼滑，朱古力味實在強烈！食到中間，會有開心果等果口粒，提升口感層次……水準絕不遜色。
Caramel Crunch 焦糖脆脆 $35
見到唔少網友都推介呢件蛋糕，我就一於試下！一嚟到，我就梗係幫佢影靚相。老闆叫我未食，就問我「夠唔夠脆脆呀？可以再多啲喎～」
嘩，從未見過老闆係咁慷慨架！眼前嘅蛋糕四周已經滿佈金黃色嘅脆脆，有咩可能唔夠呢？
網友果然無推介錯，焦糖脆脆唔只夠多，仲要係好好味！脆脆真係勁脆，唔會太硬，又無稔（要知道……脆脆變稔係幾難食……），而且唔太甜，我食曬全部都唔會覺得甜呀XDD
蛋糕就似天使蛋糕一樣，外層係原味忌廉，但打得輕身幼滑，就係喺鬆軟濕潤嘅海綿蛋糕外面輕輕咁抹上薄薄嘅一層，唔太甜，又唔膩，簡單但不普通。食一啖，已經令人好滿足！
Cream Brulee 焦糖布丁 $40
Cream Brulee 焦糖布丁 $40
一見到呢個甜品，就知道廚師有幾用心整嘢食！呢個焦糖布丁個樣，應該會令你諗起拔絲乜乜乜！布丁上面令人眼前一亮嘅糖絲設計，的確呃到唔少菲林！周圍嘅人見到都忍唔住大叫同驚嘆「好靚啊！」而重點係竟然只賣40蚊，價錢唔貴但製作一啲都唔馬虎！
糖絲幼細，食落好脆，甜度又啱啱好！ 食完糖絲，就見到蒙上薄薄一層焦糖的布丁。雖然遲咗一陣先食到呢層焦糖，但依然脆身；焦糖下嘅布丁仍然溫暖，布丁蛋味濃郁，仲見到有雲呢拿籽， 難怪一直都聞到香味！
隔離檯嘅客人就食「Pavolva 忌廉蛋白餅」同「Baked Alaska 火焰雪山」。雖然我哋今次只係遠觀，但已經感覺到呢兩件甜品嘅誘惑同魔力～好快佢哋都會成為我哋嘅囊中物！
Pavolva 忌廉蛋白餅 $40
Baked Alaska 火焰雪山 $45
沒有留言:
張貼留言