【又試新嘢】3粒鐘任飲任食日式放題

呢個放題勁多嘢食，除咗刺身壽司串燒呢啲大路嘢之外，仲有鍋物同埋每枱一個燒烤爐任你自己燒海鮮！呢度甚至比酒店自助餐更豪爽，因為雪糕唔只得一款，而係好多款雪糕雪條，包括Mövenpick、HaagenDaz以外，仲有一啲便利店限定嘅日本或者韓國嘅雪條，平時買都要10幾20蚊一條。大家可以一次過試晒呢！

今次放題，我最開心嘅係可以狂食鮑魚～除咗按入座人數分配的磯燒新鮮鮑魚之外，呢度全線分店獨有的任食熱食自助區裡面竟然有鮑魚花膠窩！喺指定時段內會供應，我來回排了3次，好滿足！

以外，自助區仲有燒雞、片皮鴨、乳豬、海南雞飯同炖湯，真係花多眼亂！飲品選擇都唔少，雪櫃有如便利店高度，內有超過30款包裝飲品可供選擇（汽水、啤酒、樽裝茶同韓式飲品），另外仲有水果茶、沙冰、奶茶、菊花茶、梅酒同清酒任添。

唔食刺身壽司，連牛肉牛舌都唔食嘅老豆，都有嘢食！就係食任點嘅海蝦，啲蝦大隻得嚟，又爽口彈牙。老豆全晚就係食燒蝦同菠蘿，再加天婦羅，亦有同我哋一齊食雪糕XD除咗海蝦，仲有其他任食海鮮：紐西蘭青口、大蜆和清酒煮蜆等。

食物選擇多以外，任食另一個關鍵就係「用餐時間」！呢度係食3個鐘！餐廳會建議你早少少去排隊等入場，如果5點半先到餐廳嘅話，就有機會因為要等候職員安排入座搞到遲咗開始落單食嘢，損失嘅就係客人自己喇～

想食足3個鐘，就記得早啲去排隊喇！任食時段有2個，分別係5:30pm-8:30pm同45pm-11:15pm，我當日係食第一個時段，所以食咗3小時！時間好充裕，連我老豆都話抵食。

呢間分店開咗1個月多啲，不過已經好旺場，好多人！我哋９月初已經訂咗位，之後會有人whatsapp 入數落訂，confirm留座。大家想試/多人嘅話，就記得提早打電話預約喇！

搵食點：極尚大喜屋日本料理 - 銅鑼灣分店
搵食方向：銅鑼灣軒尼詩道489號銅鑼灣廣場一期9樓

時段：5:30pm-8:30pm或8:45pm-11:15pm

代價：星期一至四 $288，星期5，6，日，公眾假期及前夕$308 （另收加一）

電話預約：3188 8838　

【週日搵食】一餐當三餐 平價半自助餐

之前聽人講，觀塘有家餐廳逢星期六日及假期，由11點開始就會有semi brunch buffet，要埋主菜都係 $198加一，可以食足幾個鐘，好似幾抵。平時好少去觀塘，因為怕遠。點知阿媽竟然唔嫌遠，又有興趣，就一於就帶佢一齊去試。

準時11點到達餐廳，門口已經見到有人等候入座。看到餐牌，發現原來4個人光顧，就會有一位免費，優惠幾吸引，早知叫埋姐姐同弟弟啦！

一入餐廳，右邊就係放滿食物嘅長吧檯，見到都已經興奮。由店員帶位進內，桌與桌之間距離夠遠，不會坐得擠迫，感覺舒適。

裝潢陳設予人時尚感，我最喜歡那幅黑色反光的牆。餐廳採用了落地玻璃，加強空間感。我們坐著時，可以看到外面的座位，想到要是在外面的露天座位吃晚餐，那該挺浪漫的。

這個半自助餐有2個選擇，可以要主菜，亦可以不要。我們這頓可是早午餐，所以我們選取有主菜($198) 的套餐。主菜亦有多個選擇，我選了要另外加錢的牛扒，媽媽選了是日燒烤，而當天吃的是燒羊。

任吃的食物選擇也算多，單是沙律、前菜和小食也差不多20款，還有湯、pizza和甜品等。

沙律有很多款，如柚子豬頸肉沙律、長通粉沙律、德國薯仔沙律、夏威夷木瓜凍蝦沙律和凱撒沙律等。沙律菜都十分新鮮，自己配搭好後，又可以加上多士脆脆和煙肉脆脆，吃起來更加可口！

柚子豬頸肉沙律
酸酸的，很清新。因為有柚子的關係，中和了豬頸肉的油膩，豬頸肉滑而爽脆，令人吃到停不下口。

南瓜沙律
很少在餐廳吃到南瓜沙律，這裡竟然有得食！重點是南瓜煮得軟稔又甜，加上燒過，尤其滋味！

德國薯仔沙律
喜歡南瓜的我，也愛吃薯仔。意想不到的是，這裡也有薯仔沙律！薯仔煮得夠軟，加上煙肉碎和黑椒調味，再拌以沙律醬，吃起來一點也不寡呢。

長通粉沙律

我也嘗了長通粉沙律，雖然不太習慣吃冷冰冰的長通粉，不過嘗了一口後，覺得還可接受。長通粉煮得剛好，口感軟硬適中；沙律醬亦唔會很酸，裡面又有新鮮水果，感覺很清新的！

夏威夷木瓜凍蝦沙律
這沙律一定要吃！因為這個沙律才是回本之選！木瓜清甜多汁，凍蝦爽口彈牙，出奇地好味！

火腿配哈密瓜
想不到這裡會有巴馬火腿！自助區上，火腿跟哈密瓜分配好，用小碗盛著，方便食客。

南瓜湯

媽媽嘗過南瓜湯後，說不錯，所以我就試試。這個南瓜湯並不如平時在坊間喝的濃稠，沒有加入忌廉，喝起來反而覺得特別，嘗到南瓜的甜味。

火腿菠蘿pizza 

用餐的那天，因為店舖開門前曾經跳fuse，令pizza在後來才出現。幸好，餐廳夠貼心，在pizza再次出爐時，店員便主動到每一桌詢問客人是否需要Pizza，所以吃的時候也是熱的，真新鮮！這Pizza是薄批款，邊緣位很酥脆呢。芝士的份量不算多，但我覺得剛剛好，吃起也不會令人覺得膩滯。

主菜終於來了！
澳洲草飼西冷 (Australian Great Southern Grass Fed Striploin)

牛扒要了7成熟，西冷比較少脂肪，所以肉味較濃，吃起來都是肉XD我平時最怕血腥味，吃7成熟的扒就不會有這個問題，不過就會比5成熟的「鞋」少少。

這是媽媽的烤羊，她說味道也不錯，聞起來也不會很羶呢！

甜品是我的必吃項目，這裡的甜品有中式，亦有西式，以蛋糕為主。

中式有芝麻糊，媽媽有嘗。

西式就有一系的蛋糕和奶凍，如芝士蛋糕、tiramisu、brownie，還有我很喜歡的啫喱糖！

每款甜品我也嘗過了，這裡就不逐件點評，反正水準也好，不會出現中伏的項目！

飲品，媽媽點了奶茶，我點了西班牙提子特飲。

吃完了這頓，我跟媽媽都十分滿足。其實，離去時還未夠鐘，但我們已經很飽，吃不下去，所以1點多就結帳。那天，直到晚上，我也吃不下晚餐呢。哈哈，吃一餐等於三餐，真係抵！

搵食點：Manhattan Grill & Bar
搵食方向：觀塘觀塘道414號一亞太中心(OPC)3樓303號舖
代價：$158-198/位加一，升級主菜及飲品需加相應費用