韓國潮流街頭小食？

友人說蜂巢雪糕貴且不太好吃，所以我也沒去嘗那個韓國潮食。不過，那天看到網友分享這個有趣的J字形雪糕筒，加上在公司附近時，我便禁不住要來試了！

據知這個「J」字形的雪糕筒早前在美食博覽時已登陸香港，難怪當天到訪時已有不少人在吃！

「J」形筒有「薄D」同「厚D」兩個選擇（總之就是一個脆，一個無咁脆啦！），一向有選擇困難症的我就交給友人作主，最後選吃了「脆」的版本！

呢個「J」筒的外皮咬落脆口，唔會無咬口。店內介紹話100%係用天然粟米經高温壓製而成的，而且無加入牛油、糖同麵粉等其他材料，好健康咁話喎～個皮的味全部來係來自粟米味，啱曬我呢個鍾意粟米的人！

不過，最令人垂涎三尺的一定是J筒入面的雪糕！裡面係冰凍的雲呢拿味雪糕，因為藏身在筒中，無咁易融，所以每一口都能嘗到只融在口的香甜又冰凍嘅雲呢拿雪糕。真係好爽咖！！

大家有興趣的話，一定要快啲去食！新張期間有優惠，而且秋天就黎殺到，要開始少食生冷嘢喇！


搵食點：Bingco
搵食方向：天后留仙街(天后地鐵站A1出口）
代價：$20