繼續芝士熱 新口味芝士撻逐個試

我又試新嘢喇～ Yeah！！

芝士撻都叫新嘢？咁新口味算唔算新先？除咗原味、抹茶同埋伯爵茶味之外，原來仲有其他以下３種口味！（重溫：最新推出！抹茶芝士撻！）

估唔到一直以嚟大家只會喺中秋節買冰皮月餅先會諗起佢嘅大班，最近超進取！出完可以凍食嘅原味芝士撻之後食住上，推出咗紫薯味，芒果味同朱古力味！現在還在推廣，有優惠呢！

係咪好奇怪點解無擺「芒果味」？因為最後一個俾我買咗囉 XDD

芝士撻旁邊有提供食用指示，大家可以凍食，亦可加熱進食。

為咗唔要肥死，我將每個撻切開一半，分開幾次食。大班嘅芝士撻，熱食同凍食都得，所以我將一半叮熱，一半就凍食（如果想要流心效果，可以加熱之後，再放涼先食）。

芒果味應該係最新推出的，因為我在官網的宣傳海報還未看到它了蹤影，但我買的時候，分店就已經有將它加到芝士撻這個大系列裡面喇！

加熱咗之後嘅流心真係吸引好多呢~~~
左上：芒果芝士　右上：紫薯芝士　下：朱古力芝士　

芒果味的芝士撻，其實我覺得幾夾，平時都有芒果芝士蛋糕呢個組合啦。芒果係水果味，同芝士走在一起，這個芝士撻吃完反而令人覺得fresh，減低咗芝士帶嚟嘅膩滯感！

紫薯芝士撻呢，因為我係 #紫薯迷 ，所以食唔到一粒粒嘅紫薯，係有啲失望。不過，佢真係能夠做到紫薯同芝士融合一齊嘅效果。你會先嚐到芝士味，之後紫薯味就會慢慢出嚟～～如果你問，超羣嘅紫薯撻同呢個比，邊個會好啲，我會支持超羣嘅！一嚟抵食好多 ($8一個)，二嚟係有真紫薯吸睛好多，而且蛋撻個感覺會無咁「漏」。

至於朱古力味呢～～～你可以見到叮熱之後，啲朱古力真係好澎拜！其實，全部口味只要加熱，都可以做到流心效果！其他無影相，因為懶得^^” 

味道如何？芝士同朱古力真係唔多夾架，大家唔好再將佢哋聯想埋一齊啦！朱古力味突出，芝士味就會被蓋過，反之亦然。有人朋友更形容它倆其實是「天敵」哈哈！

叮熱後的朱古力芝士撻中間呈流心狀，如圖所見。吃下去，朱古力味濃，不過我覺有點苦呢～～之後嚐到芝士味，不過不太match呢～

搵食點：大班麵包西餅

搵食方向：原味芝士撻外，其他口味只限部分分店供應，參考官方 FACEBOOK Page

代價：$15/個，現買3送1，可以一次過試齊４款口味嘅芝士撻系列呀！