靚到爆燈！冬日必試超吸睛Tiffany Blue下午茶

不知從何時起，便對 Tiffany 色系著迷。早些時間，就是想自製一個這種色系的皮銀包；不過皮銀包DIY未兌現，卻先嘗了極度吸精的 tiffany blue 下午茶set！

官網圖片

在網上一看到這個新出的下午茶，適逢聖誕節，以慶祝為由，約朋友一起前往品嚐這個「飄雪樂園 Frosty Garden」下午茶。

實物同官方圖片都幾脗合！=D

呢個「飄雪樂園 Frosty Garden」下午茶裡面嘅食物，係以伯爵茶為主題；而為咗提升吸睛度，食物仲加入咗木馬同雪花去裝飾。我好鍾意個會轉嘅旋轉木馬～一邊閃燈播放音樂，我們就一邊食！！如果可以拎走就好喇XDD

左邊蝴蝶形狀的紙是讓客人寫願望的，而 Magic Card 上的是每款香薰的功效，可取走！
右邊的就是我杯伯爵茶了。看著棉花糖垂下來，然後溶化得像下雨般的情景真有趣呢～

茶可以揀「玫瑰」或者「薰衣草」味的伯爵茶，覺得好特別？最特別嘅係杯茶係會配搭一嚿粉藍色嘅雲，其實係有機棉花糖。當你將嚿雲放係杯上面，往杯內倒熱水時，熱氣就會慢慢將棉花糖溶化，睇上去就好似落緊藍雨，好有  feel 喲！溶咗嘅棉花糖掉進杯內，飲茶個陣，就會嚐到絲絲嘅甜味。哈哈，心都融埋喎～～如果想飲奶茶嘅話，可以倒埋「佛手柑能量藍奶」加進茶中（以蝶豆花入饌）藍奶（個顏色都好靚），聽講係加咗蝶豆花，所以呈藍色。

High Tea 有鹹點同甜點，而呢個「飄雪樂園」都唔例外。除了有用法國有機麵粉，天然酵母製成嘅英式鬆餅（伴以奶油及果醬）、鹹點有店家自製嘅撻同批：南瓜批、西蘭花批、蘑菇批、番茄批、芝士批、鵝肝批及兩件鵝肝鴨肉羅勒撻！每種批都好有特色，雖然唔係樣樣都有2個，但其他得1個，同朋友仔一齊  share，試曬5款，其實已經有少少飽～

鹹點 =P

食完鹹點，就食甜點。甜點梗係以「伯爵茶味」為主。包括：伯爵茶意大利芝士蛋糕、伯爵

茶木馬曲奇、伯爵茶杯子蛋糕連木馬、雪花和伯爵茶馬卡龍……仲有脆米蛋糕同方形薑餅味黑朱古力呢！唔夠嘅話，可以試埋個枝榛子黑朱古力棒，上面有「雪花」架！其實咁樣已經滿足到「捧腹」喇～點知，原來仲有一杯為「飄雪樂園」呢個  high tea set 特製嘅伯爵茶北海道3.6牛乳雪糕。真係好豐富!!!!老闆娘見我個cupcake未食，問我要唔要打包拎走～～真係好貼喎！！

甜點 :)

問到老闆娘點解會將原本係香薰品牌嘅  DK Aromatherapy 加入  DK Cuppa Tea？佢就話因為希望多啲人認識同接觸到「香薰」。佢覺得「香薰」好有用，但好多人都未必認識到；佢認為可以由飲食入手，透過同食客分享自己對香薰的認識之外，亦可以間接讓客人接觸香薰，所以就發展咗  DK Cuppa Tea。

這個下午茶咁有冬日氣氛，蛋糕和朱古力上都特意加入冬天元素——雪花，你話今個冬天點可以唔試呢？

＊食嘅時候會有5張「魔法卡」，職員會過嚟同大家抽卡解籤：介紹各種香薰精油及其療效＊＊經過樓梯，看到一隻隻蝴蝶。原來獲發嘅蝴蝶係用嚟寫願望，之後可以夾在店內墻上

搵食點：DK Cuppa Tea

搵食方向：中環士丹頓街 16A 地下 /上環新街市街 19 號地鋪

代價：每位 $298 （加一）[兩位起]，請先預約，供應至2016年2月29日