近年，喺香港都試到唔少城市或地方嘅美食，餐廳正餐以外嘅，仲有數之不盡嘅街頭小食。雖然係咁，但我依然覺得傳統嘅手工蛋卷最令人一再回味，食完一枝又一枝！
網上唔少人食過呢款手造蛋卷，都話唔錯，仲話以後多咗個選擇。見講得咁好，我就買返罐畀家父食下。事關家父極嘴刁，而且為食，成日都話宜家啲食物無以前咁好……
打開個盒，傳嚟咗牛油味，不過，唔係好濃，蛋香味都唔係好多，真心，有啲失望！拎起一枝影下相，拿拿聲畀家父開動試食。家父一食，就話得牛油味，無咩蛋味，仲反問「乜宜家啲蛋好貴咩，點解整蛋卷唔放多啲蛋……」我無答，因為我唔知點答。
等我試下係咪咁差先？其實我覺得，又唔係家父講到咁差，蛋卷入口鬆脆，食落牛油味幾香，不過蛋味就真係少咗啲，應該係因為畀牛油味蓋過咗。我已經買原味蛋卷，希望可以試出真味。但原味就係牛油味……所以無問題啦～～
家父嘅評價唔高，應該有一半原因係因為佢不太喜歡牛油味，同埋覺得蛋卷應該係蛋味多啲（傳統人係咁架喇）……講講下，阿媽話下次如果買，就買椰汁味喎～～（好，我記住先啦！）
呢盒蛋卷，一啲都唔平，118一罐，但只係得$24枝，1枝盛惠接近$5。我唔敢想像兩老知道價錢之後嘅反應，所以我拒絕給他們透露。不過，我覺得真係貴咗啲，加上真係無啲人講到咁好食……我覺得，班蘭餅店同齒來香個啲好味好多喎～～～
搵食點：回味傳統手工雞蛋卷
搵食方向：city’super 獨家 (不過IFC分店係冇架)
代價：$118
沒有留言:
張貼留言