Tokyo Milk Cheese Factory X 搵食有僑 海鹽芝士曲奇

超開心！終於同大家開心 share 呢一塊完完全全係我嘅芝士餅！大家係咪好羨慕呢？

 

呢個係之前 Toky Milk Cheese Factory 啱啱喺香港開店時特別舉行嘅開幕活動—— #saymilkcheese 微笑分享企劃，只要喺指定日期同時間上佢個官方網訂製就得，可以上載3張個人相，就可以將自己個樣印喺芝士餅嘅包裝盒同包裝袋上面，名額得60個。

我超好彩就爭到一個名額喇！不過有少少後悔，唔整20片裝，只係整咗10片裝，宜家唔夠分……

 

訂咗之後，都等咗幾個星期先有得拎，因為佢要喺日本整完運返嚟？XDD唔知喇，總之宜家就有得食「真．搵食有僑 X Tokyo Milk Cheese Factory」海鹽芝士曲奇啦！！！

我上載咗3張相，分別用喺外盒同曲奇嘅銀色包裝紙上。有些朋友說3個肖像都跟真人相似，有些則說個別肖像而已。你是否想問，芝士餅裡面是否也有肖像？是沒有的！肖像只是印在銀色包裝的貼紙上，所以可以放心吃曲奇，不用擔心會真的吃掉自己XDDD

一打開，一陣芝士的鹹香就撲鼻而來！曲奇餅嘅外層用北海道牛奶同法國海鹽製成，而兩片曲奇中間夾住嘅就係用白朱古力同芝士整成嘅餡，勁香！

味道係點？曲奇好脆，食落帶鹹味，但之後食真啲，就覺得甜甜哋味，好特別呢！鹹鹹甜甜嘅味道，提升咗層次感。超香濃嘅芝士味，加埋勁滑嘅白朱古力溝芝士嘅夾心，的確會令人愈食愈想食，愈聞愈想聞！終於明白點解開張頭幾日不消3小時就已經售罄喇！佢嘅威力真係太強勁呢！

原來呢間係日本好出名，出品更加係日本旅遊十大必買手信之一，而呢個「海鹽芝士曲奇」更加係第１位人氣商品，賣出超過18,000,000塊！我真係有眼不識泰山喇！XDD

搵食點：Tokyo Milk Cheese Factory

搵食方向：上環德輔道中323號西港城地下4-6號舖；另有西貢分店及銅鑼灣pop – up store
代價：$78（10小包一盒）