【香港必食】蝴蝶酥梗係食帝苑 香港手信推介

獲不少食評家推薦，媒體推介，甚至是朋友品評：「帝苑嘅蝴蝶酥係會令人食到停唔到口。」

我心諗，有無咁誇張呀⋯⋯於是我終於親自去買一盒返嚟試。

蝴蝶酥有兩個口味，原味及芝麻味。包裝亦有幾種，而我就買了有兩款口味，共200克的鐵盒裝，$168，我數過共有34隻蝴蝶，每款口味有17隻。（其實價錢唔平咖，不過我就係想試下佢到底有幾好味）

好，開始嚐味。一打開，香濃嘅牛油味撲埋嚟，令人不能抗拒，愈聞愈上癮！

蝴蝶酥入口鬆脆，表層嘅糖烘過，所以食起上嚟特別「香口」同脆。加上佢啲酥皮夠薄，每一層都好突出，同拿破崙一樣，層層分明。

味道方面，牛油份量剛剛好，吃了完全沒有覺得膩；甜味亦恰到好處。芝麻味的就帶有芝麻香，味道也不錯，兩款口味各有捧場者。^.^

因為一個人KO一盒太邪惡，我就與家人，朋友分享，用了小包裝分開包裝分給大家。重點是，是口感竟然沒有變，還是很脆呢！好感動！

我爸媽今次很滿意，姐姐還說要買來過年送禮。看來帝苑今次要多謝我呢，呢盒應該佢 sponsor 我啦！

搵食點：帝苑餅店
搵食方向：尖沙咀麼地道69號帝苑酒店大堂

代價：$168 (鴛鴦口味)