葵涌廣場多嘢食就好多人都知，但真係估唔到啲嘢食仲愈來愈有創意！
你有冇見過 / 食過「打直」，仲要係好似串燒咁嘅窩夫呢？呢個嘅物體，原來嚟自外國，係歐洲嘅街頭小食 - Lolly Waffle，形狀十足十「巴黎鐵塔」，所以叫做「紫薯鐵塔窩夫」。
窩夫長約22cm，咁長，我真係唔夠膽只係抓住枝竹籤。紫薯唔係好甜，淡淡哋，同埋真係食得出有蕃薯味，唔係溝顏色整成嘅紫色 cream。窩夫口感都唔錯，有口感之餘，仲外脆內軟，唔係「稔」個種。最值得讚嘅係，窩夫中間有「真」紫薯！！真係好感動呀！！！
窩夫即叫即整，好新鮮，所以食嗰時都仲熱～其實佢仲有一款紫薯美食，就係「紫薯菠蘿牛角包」，睇上去超吸引架。下次有機會試埋佢先！
搵食點：Haru & P
搵食方向：葵芳葵富路7號葵涌廣場2樓C07
代價：$22
沒有留言:
張貼留言