【又試新嘢】黑朱古力窩夫維他奶 飲得到嘅小食？

本來我對維他奶呢個「飲得到的小食」系列無咩興趣，之前橙色同黃色兩款我都無買嚟試。不過上星期好似見到網上有人話呢款幾好味，昨晚喺便利店見到，就順便買嚟試下，今朝早餐就係飲佢喇。

包裝都幾吸引，睇上去，黑朱古力味都似幾濃，不過究竟好唔好味，有無伏，真係要飲過先知。

一飲，咦，又真係有朱古力味喎！飲落，黑朱古力味都濃郁，唔會好甜；入口香滑，聞到朱古力奶味；口感就有啲稠身，都似豆奶FEEL。飲飲下，你會發覺有啲「焦香」嘅味道，可能呢啲就係佢所講嘅窩夫味？

我今日早餐就係飲咗佢，都真係撐到去LUNCH喎！估唔到呢盒奶竟然有飽肚感，達到「飲得到嘅小食」嘅效果，有下次XDD

包裝上面話係零膽固醇，應該都算健康嘅，相對大家平時食嘅超肥早餐XD大家不妨買盒試下，有時趕時間，食唔切嘢可以用嚟頂下肚都得！

搵食點：7-11
搵食方向：總有一間喺左近
代價：$5.5