【又試新嘢】十字牌綠茶牛奶試飲報告

喺7-11 見到有特價，賣$5.5，當時咁啱又想飲奶，我就買咗佢喇～

我將佢倒出嚟飲，大家就可以睇到，原來綠茶嘅嘢唔一定係綠色架，雖然平時飲開嗰啲綠茶嘢都係青BB！奶係淡黃色，聞到少少綠茶香味。

呢盒奶嘅產品標籤說明都幾老實，講明你知，佢係用綠茶粉加奶製成嘅，賣$5.5就差唔多啦～

味道方面，真係有牛奶味，多咗啲綠茶粉味添呢。綠茶味好淡，主要係奶味。唔知點解，愈飲愈多之後我覺得反而好似飲緊豆奶咁。雖然綠茶味唔濃，但最後竟然會有回甘嘅效果，哈哈，好神奇！

     

$5.5，懷念奶綠嗰時可以買嚟止下癮先喎～

搵食點：7-11
代價：$5.5