【又試新嘢】品客薯片叔叔出百力滋

返工最好嘅  partner 就係零食，之前喺網上見到品客薯片品牌出咗百力滋，一直都好想買嚟試下。

經過一番尋尋覓覓，搵咗半個月有多，終於畀我搵到喇。今次搵到嘅係芝士味，店主話PIZZA味同蜂蜜牛油味賣完了～～唔緊要啦，最緊要有得試新嘢！

盒嘢幾靚仔，一盒有8小包，包裝袋上面寫明一包少過100千卡，只有70千卡！返工當小食一流，真係勁大個誘惑！

食落就食到芝士鹹味，芝士嘅香味慢慢喺口內散發出嚟，傳遍每個味蕾，哈哈，真係好鬼正！

啲百力滋比平時食開嘅幼少少，長短就差唔多啦～無中伏之餘，又好味，真係好想試埋其他2種口味呀～～～唔知幾時返貨呢？

搵食點：大食皇
搵食方向：葵涌葵涌廣場G層地下A83a鋪（孖寶車仔麵對面鋪）
代價：$40/一盒