昨日行樓下超市，竟然畀我發現有外國出咗一段時間嘅朱古力味萬樂珠！零食控嘅我就梗係拿拿聲買返嚟試味啦！
我買到2款口味，分別係薄荷朱古力同焦糖朱古力，聽講外國仲有一款焦糖白朱古力味，不過我估應該同焦糖朱古力味差唔多唧。
口感方面：同平時食開嘅萬樂珠一樣，都係硬硬地，但就變咗薄荷味同焦糖味～裡面真係有朱古力醬！我為咗畀大家睇得清楚啲，所以切開，呈現唔到流心效果。原來自己食，啲朱古力醬真係會慢慢流出嚟。呢種新萬樂珠食落仲好似冇咁黐牙呢。
味道方面：兩者中間的朱古力醬係一樣味，朱古力味唔會好甜，啱啱好～而外面嘅焦糖味同薄荷味濃度都啱啱好，唔會「甜到漏」或者好「攻」鼻！幾好味！
搵食點：百佳，應該之後好多地方都有？
代價：$8
沒有留言:
張貼留言