【Emack & Bolio's】層層疊雪糕都係呃like好！

行過中環，不想等位吃甜品，就跟朋友走進這雪糕店，吃雪糕就當甜品。

看到疊得很高很高的雪糕，我便興奮起來。雪糕可以一球球疊高，顧客可以任選雪糕球數、口味和脆皮雪糕筒。雪糕的顏色口味多，連雪糕筒都有幾款選擇，有包著彩虹朱古力針、果仁、Oreo或者Nutella等，超吸引。

可是，一看價錢，即時感到失望。原來基本是只有一球，之後每疊加一球都要加錢。那麼，網上瘋傳一個有7,8球的雪糕，豈不是超過$200元。嘩，真是「識賺錢」！

因為選擇太多，有選擇困難症的我就不斷糾纏著叫甚麼筒和甚麼味道的雪糕。最後，為了增加吸引度，我選了彩針朱古力筒。雪糕選了特濃朱古力及桑莓雪葩。於是，製成品就成這樣子。

這不是我想要的樣子，我想朱古力味在上面，另一款口味在下面，這樣拍照似乎好一點……

朋友一邊在安慰我，一邊在吃。

雪葩教易溶，大抵是因為不是雪糕，味道很「桑莓」，因為很酸。朋友吃幾口便停下來，因為她不喜歡酸味的。

朱古力味雪糕的朱古力味很濃，但又不會很甜，相信是因為朱古力的可可濃度高。不過我吃得太多酸味，再吃這個味道，似乎反差太大，有點不習慣。

整體來說，我最愛的還是個朱古力彩針雪糕筒。因為有得咬，味道都幾好。

我覺得性價比很低，不會吃第二次了，這雪糕還是拍照呃LIKE比較吸引我。

搵食點：Emack & Bolio’s
搵食方向：中環閣麟街26號地舖
代價：$78

【冬天要來】必食暖笠笠紫薯甜品

天氣開始涼，飯後甜品唔再想食雪糕喇，所以今次就介紹大家去食其他甜品。

紫薯控嘅我，就睇中呢間新派中式甜品店嘅新產品——紫薯甜品系列！

新出嘅紫薯系列甜品有好多款，如紫薯芋圓蕃薯糖水、紅豆沙、西米露、豆腐花，或者配香芋雪樂冰同埋涼粉。蕃薯糖水、紅豆沙同豆腐花可以揀熱。

我同朋友都揀咗紫薯蓉芋圓豆腐花，因為想食熱嘢。

當晚都幾多人，食物都等咗好一陣先嚟到，暖暖哋。

呢碗紫薯蓉芋圓豆腐花都幾多料，除咗中間大大嚿紫薯蓉之外，仲有三種顏色嘅芋圓同豆腐花。

紫薯蓉好足料，而且紫薯味好濃，入口細滑，但又唔覺加咗奶或者忌廉，證明係真係攪到將紫薯變成蓉！中間食到少少紫薯粒，即係真材實料啦！

芋圓有三種，分別係紫薯圓、黃薯圓同芋圓。三種都幾好味，口感幾Q彈，甜度都適中。如果真係要挑剔，就係芋頭圓無其他２款咁煙靭。

豆腐花無加糖水都已經甜甜哋，入口都幾滑。

我嘅焦點都係放喺紫薯身上，所以其他都覺得OK～紫薯控不妨去試下丫～

搵食點：海記合桃坊甜品
搵食方向：太子西洋菜南街232號
代價：$28

【又試新嘢】冬日限定暖笠笠M記朱古力批試食報告

今日一到  LUNCH，我就去買朱古力批返嚟試下。

其實以前都出過，不過當時係三角形，今次就同其他批一樣，長方形嘅。

包裝有另外設計過，有冬天  FEEL 之餘，感覺又幾 warm！

批皮同平時食開嘅冇乜分別，因為我熱食，所以都脆，而且唔會有難聞炸油味。

朱古力批中間嘅餡食朱古力醬,幾厚身，唔係朱古力新地嘅醬，所以唔會好似心太軟嘅朱古力漿咁流出嚟。

值得一讚嘅係，朱古力漿都算多，每一次咬都會「咇」出嚟，大家食嘅時候要小心整到下巴同埋「辣」到嘴。

朱古力味點？個人覺得啲批餡幾有朱古力味，甜度又適中，食完又唔會覺得好漏，賣$7呢個價，食得過。朱古力迷要趁呢段時間去買多幾次嚟食喇！

搵食點：McDonald’s
代價：$7

轉角遇上．小食串燒齊全．拉麵店

今天因事要去元朗，一場去到，當然要找當地的鄉親陪伴午餐吧！

朋友了解我的大概位置後，就指導我往附近走走，看有沒有想吃的。而在大街拐彎後，便來了一條食店聚集的巷子。看到這家的食物價錢相宜，就跟朋友說在這店等。

除了午餐的  menu，還有個  full menu。餐牌上的選擇還不少，除了拉麵，還有烏冬、炸物、小食和串燒，種類十分多。我這個有選擇困難症的人還是等待朋友抵達後才下單好了。

在朋友的「大刀闊斧」（嚴重誇大）之下，我們選擇了烏冬拉麵各一，再加數個小食，應該會吃到我們很飽。

食物未來，先送上沙律，免費的，味道和質素普通，正正常常吧。我們沒有點套餐，有沙律已經很好了。

之後來的就是一連串的小食，香脆麵線炸蝦是朋友說好味的。她說網上有不少評論都推薦。炸物來說，這個也算特別，因為有花工夫。

金黃的麵線一層一層的，包裹著中間已脫殼的蝦肉。外皮酥脆，蝦肉爽而彈牙，口感特別。

芝士豆腐，我最初以為真的是平時吃的那種豆腐，原來並不是。這「豆腐」其實是炸了的魚蛋片（不過是圓形），而中間釀入了芝士。

上檯前把它炸一炸，一咬就流出芝士來，芝士迷一定很喜歡。吃這個，感覺就像在吃芝士魚蛋。芝士味濃，豆腐爽彈，值得一試！

蒜蓉燒扇貝就有4隻，每一隻表面盡是滿滿燒得金黃的蒜蓉，散發著濃厚的蒜香味。蒜蓉香脆，扇貝很厚，很大，吃起來鮮甜爽口！

 安格斯牛肉串燒看起來帶點焦，內則軟身，口感十分好。

雖然不是大大粒，但一口一件也更方便。牛肉的肉汁一咬即流，正！

我們點了一個烏冬和一個拉麵，這樣便分出高低。

野川稻庭烏冬配芝士辣湯上桌便傳來香味，坊間甚少烏冬或拉麵店會供應芝士辣湯，非常獨特。因為怕辣，所以只是點了小辣而已。野川鳥冬，配菜也真不少，有虎蝦、大扇貝（又扇貝！？）、日式叉燒、蟹柳……（是否發現我們吃了很多扇貝？）［笑］芝士辣湯味道不錯，喜歡芝士的朋友可以一嘗。

我朋友吃了２口，便說很辣，吃不到了。其實我們二人都吃不到太辣，已經點了小辣，旨在嘗嘗這個特別的湯底。朋友不吃，那就只好我「包底」吧。烏冬果然夠爽滑，掛湯力也算不俗。

另一個是汁燒極上和牛拉麵配原味豬骨湯，內有三塊燒得焦香的牛肉放在麵上，還有一隻半熟蛋、兩片紫菜及大量的配菜。雖然牛肉並沒有入口即化，但即使浸在湯裡，還是會散發出的那種淡淡的燒烤味。

吃起來，肉味濃而肉質軟，感覺不錯呢。拉麵麵質亦算好，我們待了好一會才吃也沒有變「稔」，吃時還是爽口的。

值得一提的是，拉麵中的蛋是流心蛋，不只是蛋黃流心，蛋白都是，喜歡半熟蛋的話，一定很滿足呢！

如果你有時剛巧在這裡附近而不知道去吃甚麼的話，可以考慮這小店呢，我相信它的食物種類豐富得足以滿足你的無限欲望！

搵食點：野川拉麵
搵食方向：元朗裕榮徑4號地舖

【綠色星期1】功德林大嘆素食點心

上海菜總係畀人一個「油膩」「唔健康」嘅感覺，但係，今次同事帶我嚟試嘅呢間上海菜（素食）菜館又幾特別。我嚟之前知道係食素，雖然自己唔係茹素者，但間中食下，對腸胃都有益；而且，宜家好多餐廳都喺星期１提供素食餐單，迎合唔同人士需要。所以，其實唔一定素食者先可以食素架。

講返正題，呢間其實係上海素菜點心館，除咗可以叫餸食飯之外，仲可以食點心。頭先望到隔離檯嘅嘢食，個樣其實都幾吸引。等我哋又叫返啲嚟食先！

Lunch都算多人！

見到宣傳相影得咁吸引，我哋就一於叫返個「皇帝菜苗餃」($32)同「蘿蔔絲酥卷」($35)試下先。其他菜就自己睇餐牌點，點咗

－　素鍋貼 $32

－　豆腐餃子 $98

－　紅豆沙鍋餅 $58

－　芙蓉炒桂花翅 $98

「皇帝菜苗餃」先嚟，個樣真係幾靚！

餃皮好似透明咁晶瑩剔透，餡料一覽無遺。所以，我睇到裡面有好多菜苗呀，正！

外皮咬落煙韌，加上熱呼呼，好正！裡面嘅菜苗好多，好青綠。雖然無肉，連素肉都無，但味道都調得唔錯。感覺清新又唔油膩，唔錯！

之後出場嘅就係「豆腐餃子」($98)。

其實，未見到個樣之前，我一直想像豆腐餃子究竟係咩樣。

見到食物之後，就覺得好可愛，真係諗都冇諗過豆腐可以包成餃子嘅樣，呢碟好似一隻海星咁浮喺上湯面……上湯有好多材料，如冬菇、薑絲。

咬開裡面亦有菜，健康又好清新。餃子皮雖然係豆腐包嘅，切得薄但都有一定硬度，唔會一夾就爛，可見廚師嘅工夫。

素鍋貼($32) 相對失色，餡料有冬菇、松子等等，味道淡。唯獨是皮煎得香口，攞返啲分。

芙蓉炒桂花翅($98) 幾特別，我最欣賞啲切得同樣幼嘅蛋白同素翅！

素翅比一般翅更有咬口，同埋啲芽菜一齊食，好爽口。蛋白份量多，同其他材料，好似素火腿同木耳一齊食，感覺幾fresh！

同事想食嘅「蘿蔔絲酥卷」($35)都唔錯，出乎意料地唔油膩，外層炸得金黃，又脆卜卜，裡面有好多蘿蔔絲，清甜爽口，有驚喜。

甜品沒有點高力豆沙，因為同事不想吃，於是便選了「紅豆沙鍋餅」。

同樣是紅豆餡，不過外皮唔同。豆沙鍋餅味道都不錯，豆沙餡幼滑，甜甜哋。

外皮炸得脆而薄，粉都不厚，食下食下，好快就食完！值得一讚嘅係，食曬全個豆沙鍋餅都沒有感到膩滯。

今次呢餐素食，令我對素食嘅印象係好咗，原來素食都可以整得咁精緻同特別。下次有機會可以再試今次未食嘅素鵝！

搵食點：功德林上海素食搵食方向：銅鑼灣告士打道280號世貿中心10樓