【美食車之旅】超解渴靚靚火龍寶+牛油果多士

某天午飯後，我跟同事到公園散步。走到摩天輪附近，就看到旅發局推廣的美食車。

而這次就有公主廚房（Princess Kitchen）跟八珍醬園美食車看到食物那麼吸引，我就跟同事約好第二天來光顧。

這天，我們在公主廚房吃午飯。點了個「泰式咖喱牛肋骨飯」配「公主火龍寶」（加$20，原價$45），還有「黑松露雜菌多士」及「自製牛油果多士」。

見到呢架車，就一定要試呢杯靚到「dump」一聲嘅招牌#公主火龍寶 ！

因為唔只睇得，又靚又好飲，配餐最抵！除咗有唔同嘅水果：士多啤梨、香蕉、藍莓之外，仲有杞子同穀物，口感超豐富！

最值得讚的是下面極濃火龍果冰！

用咗紅肉火龍果，去皮再製作。食得出只係加咗少少水，就打成咗火龍蓉，再冷凍儲存。口感就似食雪葩一樣，清新又解渴消暑，啱曬宜家呢種天氣食！

牛油果多士好足料，好健康！上面係用牛油果肉打成嘅醬，加咗少少檸檬汁提味，令味道層次提升！

而黑松露雜菌多士 都好好味，唔只有不同嘅菇，每一啖仲散發出黑松露味⋯⋯真係好滿足～～～

泰式咖喱牛肋骨飯就有4嚿勁大粒嘅牛肋骨肉同4大嚿薯仔！

我平時唔多食辣，雖然我邊食邊流汗，但呢個飯啲咖哩真係好正，就算辣，我都極速扒曬！

我都係第一次幫襯美食車，同店員閒聊之下，先知道原來 美食車係有營運輪替表，一共有8個旅遊景點，美食車每次會在同一地方停留2個星期。所以，下星期我就吃不到火龍果冰，它要在16個星期後才回來呢！唔知下星期嘅美食車係食咩呢？

後記：原來在旅遊發展局的網頁上有提供每架美食車的特色和每個月的「營運輪 替表」。
詳情：http://bit.ly/2qbNsbI

搵食點：公主廚房
搵食方向：睇輪班表啦 －＞http://bit.ly/2qbNsbI