《Do 姐去 shopping》節目出街之後，eclairs 呢種早已傳入香港嘅甜品即刻成為焦點。而又咁啱，Do 姐喺節目中去嘅呢間專門店 L’Éclair de Genie 竟然在11月尾進駐香港，旋即成為咗foodie 界嘅焦點。Éclair 即係閃電泡芙，呈長條狀，每款不同嘅口味都有獨特嘅外型設計，十分誘人。至於「閃電」嘅原因係因為泡芙超好味，只要試一啖，就會好似閃電咁極速食完！
有一日約下午1點半，我經過分店，，見到約有20多個人嘅長龍排隊掃泡芙！我睇到catalogue，其實都真係好想食。於是，我就決定買佢嚟做聖誕禮物做交換，順便俾我班朋友仔感受到下呢個泡芙嘅「閃電」威力！
雖然 out of budget，不過唔緊要啦，一年一次嘛～～～不過，買個時真係好驚險。本來去到已經賣曬，我「呆立」喺度……後來，俾我見到店員突然由櫃內取出 2盒，心諗唔通個天都幫我。於是，我就好唔知醜咁行前去問店員，係咪已經賣完。佢話本來係，但因為有付款了的客人臨時不能取，所以可以賣給我！哈哈，睇嚟個天都俾我感動咗～～
好！試食報告終於嚟喇！
 |
| L’Éclair de Genie 閃電泡芙 - N°3、N°5、 N°89及 N°1（左起） |
我哋一齊試咗最左邊的 N°3，即係香草合桃果仁味，好受歡迎～外面係合桃同果仁，而內餡就係加咗馬達加斯雲呢拿奶油，最後仲塗咗一層焦糖係出面，合桃果仁食起嚟脆脆哋，香甜又可口，真係將我融化咗～
其他包括N°1、 N°89及 N°5（右起），試食感係由朋友匯報。N°1 係鹹牛油焦糖味，據講係熱賣款式！中間用咗馬斯卡邦奶油，混合咗鹹牛油焦糖，入口幼滑。奶油嘅甜味，鹹鹹哋嘅牛油焦糖味，兩種滋味雖然好唔同，但真係無得頂。聽落又幾吸引。朋友覺得都好食！
至於 N°5嘅柚子檸檬呢，睇落去超 fresh !初初食，都覺得幾清新，酸酸哋，挺特別。不過，多吃幾口後，就覺得開始有點過甜喇～～
而勁吸睛嘅 N°89又點呢？呢款係紅莓味，估佢唔到嘅係佢係甜嘅。朋友話「太甜」，甚至係「除了甜味，還是甜味～」，這真的令人有點失望呢！主要係因為裡面嘅 cream「勁甜」……
咁到底邊種最好味？朋友話係 N°1鹹牛油焦糖味完勝喎～鍾意食抹茶嘅朋友唔使咁開心住喎，唔好以為今次唔關你事。因為今次 L’Éclair de Genie 知道香港好多抹茶控，於是特意製作咗抹茶味 —— N°144 竹拂抹茶味的泡芙！香港限定架！快啲去試啦～～
搵食點： L’Éclair de Genie
搵食方向：金鐘太古廣場2樓/中環太子大廈
代價：每條 $39 - $45
沒有留言:
張貼留言