我又試新嘢喇！如果要係好立克同阿華田之間擇其一，我一定係會揀阿華田架！所以，適逢呢間連鎖餅店推出阿華田蛋糕，我就點都要試下～
 |
| 參考圖片同現實都幾脗合～ |
因為運送過程中，路途遙遠，蛋糕有啲走樣，大家唔好介意啦～竟然好唔好味呢？
呢件蛋糕係朱古力味蛋糕，而上、中以及下層的都是阿華田慕絲，所以阿華田味超濃！
蛋糕好鬆軟，慕絲都好幼滑；食嘅時候，味道最突出嘅，就係中間夾住嘅「阿華田麥香脆層」，脆脆哋之餘，令到件蛋糕口感同層次更豐富，發揮咗「畫龍點精」嘅效果，超有驚喜！
不過，有啲失望嘅呢，就係放喺蛋糕面嘅阿華田夾心餅。可能因為件蛋糕長期冷藏住，令到塊餅變「稔」咗，係一大扣分位。如果大家放棄咗塊餅唔食嘅話，就絕對唔會有影響XDD
聽講阿華田奇脆杯都幾好味，因為佢唔單止有齊呢個蛋糕嘅材料，仲添加咗獨特嘅阿華田啫喱，真係聽完都想試=D價錢都係廿蚊咋！
搵食點：聖安娜餅店
代價：$20
沒有留言:
張貼留言