【又試新嘢】雞蛋仔又玩嘢！一次過「食糊」「食玫瑰」！

網上見到呢個雞蛋仔，覺得超得意，即刻  send 畀平時打開麻雀嘅朋友仔，等佢開心下。佢見到之後，話有興趣試下，於是就去咗試喇～

我哋係星期五去嘅，去到嘅時候大約6點鐘。一入去，真係估唔到會有咁多人，而且清一色係女學生。果然，女仔真係好鍾意食甜嘢！唔好講咁多，專程去到，梗係要返個「食糊雞蛋仔」先啦！

多口問咗店員一句，有無得揀食咩糊……點知店員竟然話有，盡量滿足我哋。嘻嘻，今時今日嘅服務態度應該係要咁。畀完錢，等咗一陣，「食糊雞蛋仔」就到手喇！我哋今次係食「萬子」XDD

食糊雞蛋仔 ^^

根據介紹，呢個雞蛋仔嘅口味係「奶油合桃雪糕配麻將朱古力」。麻雀牌其實係朱古力，雖然係白朱古力，但我覺得甜度適中，不會偏甜，有驚喜！雪糕係「奶油合桃味」，好少見！雖然我就無試到（朋友仔話自己食得曬……），但朋友仔就話幾好味，夠特別。中間食到一粒粒嘅合桃，仲好似有啲焦糖嘅香味～

雞蛋仔又點呢？口感方面，無沾上雪糕個啲就好脆身，外脆內軟，有雞蛋味。不過沾了雪糕個啲呢，就會變「稔」，大家最好將佢同啲雪糕一齊食喇！

宜家仲係農曆一月，食呢個雞蛋仔都算可以攞返個意頭。唔知供應到幾時，但宜家仲供應緊，想食就唔好猶豫喇XDD

因為朋友仔話一個人都食得曬，咁我就唯有自己叫多個獨食 =.= （其實我本身係想開心 share 嘅～～～）見到另一個玫瑰花咁靚，仲要係士多啤梨味雪糕，好，我就要玫瑰花呢個啦！

又係 $48蚊～真係無諗過，嚟食下雞蛋仔就無咗一嚿水 =O=！

我呢個叫 “Sweet Roses”，上面有一大朵粉藍（帶少少紫）玫瑰花，令我諗起最近大熱嘅Pantone顏色系列，女仔見到梗係興奮啦！（男士們識做啦！）

Sweet Roses

玫瑰花係用忌廉整嘅，一定好肥，好甜？我最初都驚，仲諗住唔食朵花。不過，當我試咗少少之後，發現又無想像中咁甜同「漏」，加埋啲士多啤梨雪糕一齊食，仲幾特別呢！點解個士多啤梨雪糕咁好食，我食食下就試得出原來係  Haagen-Dazs 嘅出品～唔怪知得咁有水準啦～～而雞蛋仔就都係原味，無咩特別。不過，將佢點埋啲雪糕同 cream 一齊食，都唔錯嘅～

最後都畀返個溫馨提示大家啦，千祈唔好好似我今次咁獨食一個囉，除咗「獨食能肥」之外，仲會連晚飯同飯後甜品都食唔落架～都係開心些牙好！

搵食點：Eat With Me
搵食方向：旺角廣華街2-20號翠園大樓二期地下8號舖
代價：$48 each

【撐小店】用心製作 足料爆餡車輪餅

話說過年前，Instagram上的 foodie 發現隱世平價美食，令到一條本來平靜的村落人氣急升，小巷內擠滿了人，長龍持續數小時。你可能會問，到底是甚麼食物這樣厲害？原來大家都是為了一睹「車輪餅小姐」的風釆。

「車輪餅小姐」的店藏於美孚新村的一條小巷內，附近都是一般的日用品店和食肆，平日都是做街坊生意。不過，「車輪餅小姐」一出，這陣子便多了不少人特意前往。

車輪包就聽得多，那甚麼叫「車輪餅」呢？原來那是像長洲的「紅豆餅」，也即日本的「大判燒」。而「車輪餅小姐」之所以可以短時間風靡這麼多的 foodie 同 IGer，完全是因為車輪餅的餡料有時下人們最愛的「抹茶」和「紫薯」可選。單是這個，足以成為賣點。

到訪前，我已做足功課，知道有多少款餡料、價錢、必食之選，甚至 mark 低了要哪幾個口味。

當天去到，嘩！人真多！店家採取「先付錢，後取餅」的形式發售。人們其實不需要一直站著等，因為店員會叫籌號，不太明白為什麼人們總是喜歡排著隊等。

除了紫薯和抹茶味外，我還想買紅豆、芋頭口味，可惜當天不供應。可能因為傳媒報道了，光顧的人增加了，而店家人手有限，只可做數個較受歡迎的口味。我想試鹹味款式，如日式海苔肉鬆粟米蛋沙律都只好等下次。當天供應的口味是朱古力香蕉、麻糬士多啤梨Oreo、紫薯同抹茶。（如果口味齊全的話，另有5種：椰香芋蓉、即磨黑芝麻、粒粒紅豆、日式海苔肉鬆粟米蛋沙律及雲呢拿奶黃。）

由付款到取餅，歷時約50分鐘！價錢亦已上漲，本來是$9.5，而當天店家貼出告示，指為了方便找贖，便改為每個$10。雖然加價，但無減人們的熱情。

回到家，即食！ 

紫薯同抹茶用原味皮，輕輕撕開，露出滿滿的餡料，真的很足料！抹茶餡更呈流心狀，十分吸引。紫薯餡入口軟滑，甜味自然，不人工；而抹茶餡亦不是死甜，而是甜而回甘，算是真．抹茶味吧！

另外2個可可皮的，入口一樣鬆軟。最令人意外的是朱古力和香蕉出奇地「夾」，好味！

至於麻糬士多啤梨Oreo呢，我跟家人都覺得這完全係個「伏」……最初還以為餡料是士多啤梨Oreo味的麻糬，誰知是士多啤梨Oreo夾心餅加一團無味的麻糬……

雖然有失望，但都有驚喜，而且足料，口感又好，每個都是人手用心製作……是值得支持的小店，住附近或者經過就去光顧啦！

搵食點：車輪餅小姐
搵食方向：美孚新村吉利徑19號50B7號舖
代價：＄10 each

芝味無窮 流口水親民熔岩拉芝飯

搵食有僑的宗旨就是不管路途多遠，只要是值得一試的美食，都會想辦法去吃，然後跟大家Share！而今次就鮮有地來到深水埗這一區覓食。

深水埗雖然是個舊區，但不乏美食，想起「合益泰超滑腸粉」和「新香園（堅記）足料牛治」就知道了。不過，想不到的話，新派美食餐廳都會選擇落戶於深水埗。看過雜誌的報導和朋友的介紹後，今天我便相約好友在這裡吃個晚飯。

星期3的晚上7時多到達，幸好門外還未出現人龍。加上有人剛好結帳，我們不用等位便入座了。餐廳內座無虛席，食物水準應該不差。畢竟，開在這個地區，都是以做「街坊生意」為主吧。

我跟朋友之前已在網上看過一些推介，加上店內每桌都有一個鐵板飯，我們就知道那芝士熔岩飯是不容錯過的。後來，經過一輪篩選，我們拍板點了以下食物：

-日本甜薯沙律菜（必食推介）$26
-新派芝士熔岩蛋漿飯 $48
-芝士濃湯石鍋配手作意粉 $56 （跟餐加$4轉蜂糖朱古力）
-主題小食拼盤 $43

日本甜薯沙律菜（必食推介）$26

看到MENU上說的「必食推介」日本甜薯沙律菜，紫薯迷的我怎會錯過呢，還配上了胡麻醬。上桌來，我跟朋友都不禁「嘩」，因為很大盤！雖然只係外皮紫色的蕃薯，但是入口清甜，與其他沙律菜同吃，挺清新的！

新派芝士熔岩蛋漿飯 $48

來這裡，怎可能不試飯呢？吃飯，絕對不能不吃「新派芝士熔岩蛋漿飯」。這個飯的靈感來源應該是韓國漢拏山炒飯吧！上桌時，鐵板上載著一團飯，但沒有堆成山一樣；蛋漿和芝士隨即另上。

一放下來，侍應便會倒蛋漿，將飯拌勻，期間會慢慢加入芝士。鐵板熱呼呼，一邊拌，芝士一邊在溶，看著也令人垂涎。拌成後，勺子一「畢」，飯將芝士絲絲拉起，形成最期待的「拉芝」效果。

每一口飯混入了蛋漿和芝士，而飯本來又有一些泡菜、午餐肉和海苔絲，味道及口感都超豐富，十分惹味。不過，吃不到辣的人就要注意。因為有泡菜和韓式辣醬，多吃幾口便會開始覺得辣，我吃著吃著都出汗了。

芝士濃湯石鍋配手作意粉　$56

除了芝士熔岩蛋漿飯，我覺得這個「芝士濃湯石鍋」都值得推介。因為它的芝士的確很濃，而且鍋夠熱，芝味一流！

本來想選烏冬，因為覺得鐵鍋就要配烏冬，可是這店並不供應。侍應表示他們的手作意粉跟這個也十分 Match，絕不比烏冬遜色，於是我們便決定一試。果然，手作意粉跟平時吃的不同，口感軟而煙韌，掛湯力也強，每一口也讓我們感受到濃郁的芝士「魅」。

為什麼芝士味如此濃郁？因為鍋內除了是芝士湯底外，上桌時還伴有一碗芝士予以倒進湯內，增加「芝味」。

鍋內的食材也十分豐富，有煎餃子、蟹柳和年糕等等，跟朋友一起分享最 perfect！

主題小食拼盤 $43

小食拼盤上，各款食物都有，而且數量也不少，$43絕對「抵」。食物包括辣腸、沙律菜、水牛雞翼、脆薯格、炸魷魚圈及芝士烤菇。

炸物香口，雖然油炸但不覺肥膩。雖然蘑菇伴有芝士，但店家沒有選用太濃味的芝士，令菇的鮮味依然能夠保留，入口亦多汁！

蜂糖朱古力

加了$4轉跟這個特飲，看起來是挺吸引的，最上面舖滿了小小的棉花糖粒，還淋上了朱古力醬，寒冬下，這是無敵的～不過，我之後就覺得「好漏」喇XD

雖然我曾經住過深水埗，但搬家後，它變化的速度和程度實在叫我難以想像。當我知道這餐廳是在深水埗時，真的有點驚訝！或許，就是因為不起眼的舊區，小店才能生存，我們才能以親民價品嚐到這些美食。

搵食點：飯意主題餐廳（Rice Love）
搵食方向：深水埗元州街146號華興大樓地舖
代價：人均$50

【我的麵包之旅】超受歡迎五層流心芝士軟包

其實我好鍾意食麵包，不過呢幾年少食咗好多，因為麵包始終唔多健康。不過，有時我見到啲新款麵包，都會貪新鮮買嚟試下嘅～

今次介紹嘅五層流心芝士軟包超受歡迎，應該唔少人都食過，仲post上網做分享。皆因呢個包每日限賣500個，每次出爐得15個，半小時出一次爐……每人最多可買6個……最初係賣$20一個，$70就有4個。不過，我就無咁好彩，未加價個時就買唔到，加咗價（$25）之後，我就買到了！每個相差$5，真係好唔開心囉。

購買當日，都預咗要排，好彩前面唔係好多人，等一輪都會買到。唔講咁多，快啲試下先！

你睇下，佢真係好多芝士！佢出咗爐之後，再遂個搽返啲芝士醬同芝士粉喺個面度，所以真係好足料。據講係用咗「流心芝士醬混合巴馬臣芝士粉、忌廉芝士及新西蘭軟芝士製作……」（唔知有無漏），呢個應該好味掛？ 

雖然睇落去，賣相不是超靚，但食落個味道真係幾好，只係個包唔夠軟身。我特登切開佢，原來佢中間有兩層係有兩種忌廉芝士。外面個啲其實係奶粉，唔怪知得我覺得有奶味。

本來我以為食完會覺得好膩，但竟然絛。唔知點解，食食下，我覺得佢甜甜哋，感覺有啲似食緊平時有條坑個種忌廉奶油包，唔太似芝士。唔通就係因為咁，所以唔覺得「漏」？

網上有人話，可以試下常溫以下嘅食法，好似加熱，或者雪凍。我兩種都試過，加熱之後，完全唔好食，唔夾；雪凍佢呢？面層硬硬地，係有啲似雪糕，不過咬到個包就後悔了，因為搞到個包好乾，好硬。

未食過嘅話，可以買個試下，畢竟真係未見過類似嘅包，加上都幾好味。試過嘅我，就唔會再買喇，因為真係好貴囉lol

搵食點：麥上日光
搵食方向：尖沙咀金馬倫道32-34號福僑大廈地下D鋪
代價：$25/個，$90/4個

【我的麵包之旅】麵包界稀客 牛油果

最近我開始食牛油果，所以對佢嘅唔同成品都有興趣～去開呢間麵包店買熱賣嘅芝士包，就見到呢個「牛油果果」。牛油果麵包好少有，於是我就買個試下，唔平架，要$32，仲貴過個芝士包！

個包口感就一般，唔太軟仲有啲乾；中間啲牛油果餡唔算多，顏色都唔吸引lol，點解我覺得有啲中伏……

試下個味先！好彩啲餡味道都OK，真係有牛油果味。不過我始終覺得個包好似缺水咁，食得有啲辛苦。啲餡咁少，仲賣到32蚊咁貴……我真係無嘢講……

老實講，呢間嘢，除咗嗰個五重芝士軟心包值佢嘅定價之外，其他都係OVER-PRICED囉～～下次講埋個芝士包～～

搵食點：麥上日光
搵食方向：尖沙咀金馬倫道32-34號福僑大廈地下D鋪
代價：$32

【又試新嘢】黃金脆薯堡 牛雞邊個好味D？

我好鍾意食薯餅，平時就要買早餐先有得食，但我偏偏係個極少喺外面食早餐嘅人，同薯餅總係無緣。所以呢，當我見到呢個新出嘅「黃金脆薯堡」，我就決定要去食，而且要試齊雞同牛。

睇下佢哋個樣，同宣傳圖片對比起來，都幾脗合。牛堡喺1月14日推出，而雞堡就比原定時間遲咗幾日，前幾日（原定為1月28日推出）先有得食。

官方網站圖片

 外形方面，好似未食嘅雞堡實貌吸引一啲，但唔知食落係咪都係雞堡取勝呢？立即開動試食啦！

黃金脆薯牛堡除咗夾住大大塊嘅薯餅之外，中間仲有牛肉；牛肉沾滿咗嘅濃郁黑胡椒醬，而喺包同薯餅之間，亦加入咗爽脆嘅洋蔥粒，減輕油膩感，變得清新啲。牛肉雖然無Create Your Own系列嘅安格斯牛肉咁正，但入口都有牛味，同黑椒配搭，簡直無得輸。不過，食到一半，會開始覺得辣～～值得一提嘅係，洋蔥粒同薯餅食落好夾，可能因為大家都係碎碎哋，所以即使係平時唔多食洋蔥嘅我都無半點抗拒感。

                                 

而黃金脆薯雞堡將牛肉換為板燒雞腿，洋蔥粒換上生菜，而醬汁則保持為黑椒醬，同是夾在芝麻長麵包內。洋蔥粒變了生菜，感覺上纖維多了，吃完後的罪惡感沒那麼強。不過，口感上，生菜跟薯餅便不及牛肉洋蔥般融合，味道自然也失色了。

雞肉呢？雞肉很滑，吃著也挺和味的。但是，不知道是否因為換成了生菜，吃完每一口，都感覺會把口腔和味蕾變得清新了。而正正因為這樣，黑椒的辣味便愈吃愈突出。吃至一半時，我便覺得很辣，上一次吃牛堡可是沒有出現這個情況。

               

整體來說，我覺得牛堡較優勝，因為醬汁、配料和肉的相配度較高，而且不會令人辣得想停下來的感覺；加上我總是覺得黑椒是配牛的，雞，還是配咖喱或者葡國汁吧XDD如果唔食得辣，但又想試嘅話，我建議同人一齊  Share 食會好啲～因為咁大個，唔食得辣嘅話，食到一半一定會頂唔順。

同場送埋個扭扭薯條食評畀你哋啦～我好鍾意食薯乜乜乜，唯獨唔太識欣賞成個薯仔咁食……炸粗薯條、薯圈、薯片、脆薯格就啱曬我。呢個扭扭薯條幾好味，因為比平時嘅薯條粗身，口感好啲，加上味道多層次啲，原來係表層係經過特別調味，有少少辛辣（雖然食唔出有辣味），不過感覺就似食緊薯格，正！

如果唔想食薯餅，可以揀無薯餅版本。如果買套餐，仲送埋 Monchhichi 利是封架！

搵食點：麥當勞
搵食方向：麥當勞分店
代價：$37（套餐）<-好似係……唔記得咗 >.<