【又試新嘢】6蚊抵食足料紫薯撻

又發現咗好味紫薯撻呀！

呢個撻唔只賣相靚，仲好足料！

上面嘅紫薯蓉好似唧花蛋糕上面嘅cream咁，勁多勁厚，重點係食落好幼滑，有淡淡嘅紫薯味！

咬落去先係忌廉，然後係塗咗朱古力醬嘅牛油撻皮，多重滋味😋 講咁耐，係咪好想食，好想知幾錢同喺邊買呢？

呢個撻超抵食！因為只係$6蚊！

最衰得返一個，如果唔係一定買多幾個食！

搵食點 : 貝嘉餅屋 Baker House
搵食方向：荃灣街市街166號地下
代價：$6

【又試新嘢】沖繩紫薯撻試食報告

經過聖安娜，見到出咗新嘢！嘩，係紫薯撻同蛋糕呀！紫薯迷嘅我即時雙眼發光！雖然$19蚊，但我都忍唔住買嚟試！

拎到返公司，個撻個樣竟然無變過，好 surprised，證明撻底夠硬正。

紫薯撻有幾層，外面的是紫薯蓉，話係用上沖繩紫薯。唔知堅唔堅，但食落去係幾幼滑軟綿，甜度都啱啱好，唔錯。

紫薯蓉之下就有吉士、忌廉同少少蛋糕、食落去個味道同口感都幾配合，幾夾，最重要係唔會覺得「膩」同「油」。撻底咬落幾脆身，無變稔，整體嚟講，都唔錯。

同東海堂嘅紫薯撻相比，我覺得呢個優勝啲，好像呢個都賣得平啲喎！

另外仲有栗子系列可以揀，有興趣嘅可以試埋呢！

搵食點：聖安娜餅屋
代價：$19

【樓上Café推介】KS Café : 一頓滿意的晚餐，就是如此簡單

很久沒到天后！自從轉了工作，新界人的我就甚少到這邊吧，我想，最常到，最遠的還是到銅鑼灣。沒來2年，食肆果然變了不少。很多昔日午餐到的餐館也消失了。今次友人推介的café，應該也是新成員吧。

我一向對  café 的印象不太好，總覺得「黑媽媽」，又有陣「煙臭味」……食物也不能有高要求。但是，今次到訪的餐廳則令我對樓上  café 另眼相看，更出乎意料地享用了一頓愜意的晚餐。

剛到餐廳門口，看到餐廳名在發光，心想：裡面也是黑漆漆的嗎？打開門，看到燈火通明（我要強調！），桌子之間很闊落，裝潢以木系為主，感覺很溫暖舒服。

坐下來，看到晚餐的餐牌，我們看中了扒餐，之後看大Menu，發現有牛油果烤菇，好友和我不約而同地指著餐牌說要吃。結果，我們只選了一個套餐，其他都是散叫。

先來的是沙律，以為是普通沙律，誰知是火腿配沙律菜。火腿鹹鹹的，吃起來也聞到香味，車厘茄同沙律菜加了醋，酸酸的，挺開胃。

餐包不是大熱的蒜蓉包，而是兩個烘得脆口的意式風味麵包條。

湯未到，反而小食先到。這個牛油果海蝦釀燒烤菇($95)的賣相確實很誘人呢。

你看，每個菇上都舖滿了綠油油的牛油果，上面還有芝士的，很吸引。

切開，很多汁呢！刀一切下，菇的汁都被「逼」出來了。中間還藏著一隻蝦，也蠻大隻呢。烤菇不但多汁，而且菇味濃；super food　牛油果足料份量多，入口軟滑；中間的海蝦大而爽口，真的令人吃得很快樂！

這個雖然是小食，但極具心思，又健康，我覺得是必食之選！

一頓晚餐，要是能從前菜、湯、主菜以至甜品都吃得愜意的話，這已令人很滿足。

餐湯配的是南瓜湯，令我意外的是，這湯並沒有如忌廉湯般的濃稠，但是，喝起來沒有令人感到奇怪，而細味之下還可嘗到南瓜蓉，實在特別。

櫻花蝦薯仔湯($28)

友人喝的櫻花蝦薯仔湯看起來很吸引，我喝著自己的湯，還是忍不住嘗了一口她的。

這櫻花蝦就像我們曬乾的蝦，又像我們吃的「蝦米」，不過這更脆身。而薯仔湯很濃稠，喝一口就已經感覺在吃薯蓉一樣，真足料，味道亦很特別，坊間少有。

T骨牛扒配紅酒汁 (連套餐 $188)

這扒很大，我們兩人分享便剛好。

T骨扒分兩邊，所以吃來有2種口感。

你看，一邊脂肪較多的是西冷，另一邊較少的是牛柳。脂肪較多的那邊肉味濃一點，亦較有嚼勁。而另一邊的肉則較軟滑，脂肪亦少，相對沒太多肉味。

牛扒，我喜歡吃原味，所以沒有淋上紅酒汁。想不到友人亦是，結果那汁都被我們遺忘了。

海蝦南瓜意大利飯 ($78)

我喜歡吃意大利飯，但平時吃的都是白汁、蘑菇、白酒那類，這裡有「南瓜」可選，當然不容錯過……（雖然已經喝了南瓜湯）這個意大利飯甜甜的，跟平日吃的不一樣，沒想過會是這樣的味道。

南瓜味很濃，很香，海蝦很爽口彈牙，十分新鮮。這飯水準不俗呢。

我們沒有點套餐的甜品，反而自己選了「朱古力千層蛋糕」($48)。

朱古力蛋糕有不同的層次，我想是代表不同的口感與不同濃度的朱古力層。我的目光反而落在旁邊的士多啤梨上。為什麼？你有留意到它被雕成玫瑰花的樣子，很美呢。

蛋糕一層一層，朱古力味香濃；而每一層的口感都不一樣，有軟有較硬的，如  Mousse 的質感、亦有像芝士蛋糕般的……

雖然很邪惡，但對於有甜品胃的女生來說，這樣才是一頓晚餐的完美句號呢！加錢選了一杯藍莓奶昔，味道挺清新，奶味沒太重，不錯呢。

這樣就滿意了？對，就是這麼簡單。

搵食點：KS CAFÉ
搵食方向：天后電氣道108號冠貿商業大廈7樓
代價：$508（已加一）

【大發現】尖沙咀樓上餐館 抵食粵滬小菜

之前唔記得為咩事去咗尖沙咀，即興就打畀朋友一齊食飯。平時要約成個月，今次即興約竟然搞掂。尖沙咀食嘢，坐得舒服啲，都係大商場裡面，價錢又唔平。行行下，有個阿姐派傳單話搭 LIFT上10樓食就得，我先發現原來廣東道係有食肆（除咗平時見到大招牌嗰啲）。傳張上見到有唔少熟悉嘅廣東菜菜名，又有我喜歡嘅炸豬扒菜飯同雞絲粉皮，一間餐廳竟然可以同時食到粵菜同上海嘢食，真係少有，就係咁，我就被吸引咗。

上到去，無咩人，一眼見曬，仲有另外2檯人！老闆娘見到有人光顧就特別熱情，又問幾多位，推介要食啲咩，又問點解會識上去……等埋朋友之後，我哋就拍板叫餸。

朋友話係 Openrice 見唔到地址，問我點解揀呢間。其實我都係因為收到餐廳職員的傳單唧。不過 Openrice 未有資料都唔出奇，因為唔會有個平台係咩都知。新餐廳開咗，一係靠店主自己通知 Openrice（咁自然要收錢啦！），一係就係食客報料，再經 Openrice 核實（我報過幾次料，所以就知。不過我估報料之後，Openrice 核實嗰時都會問下有關餐廳要唔要個版面，要的話又係要畀錢……）所以，香港地可能仲有好多你同我都未發掘到的隱世小店。

黃金大蝦 ($108)

黃金蝦嚟講，啲蝦都算大隻喎。沾了鹹蛋黃汁的外殼炸得酥脆香口，蝦肉亦入味爽口，令人吃得津津有味。

鹽擦雞半隻 ($118)

不知道甚麼是鹽擦雞，不過這是招牌菜，看到鄰桌亦在吃，便來半隻試試吧。原來這跟白切雞相似，但鹽擦雞比白切雞更多汁，想是用上湯浸過吧。

雞肉嫩滑有嚼勁，雞胸肉也不「霉」，味道恰好。雖然伴有醬汁，不過我就無蘸上了。

麻醬三絲粉皮 ($34)

粉皮呀，我成日都好想食粉皮，因為喜歡個口感，滑又爽。要食的話，一般都要去食上海菜嘅菜館先有，所以真係好少食。每塊粉皮都切得好大片，唔會細塊又碎，食起嚟特別痛快！呢度用嘅醬幾特別，係用麻醬（似担担麵個花生醬味），唔會好重口味。

五香牛展湯麵 ($50)

呢個牛展麵個樣令人諗起台灣牛肉麵。牛展炆得好香，未食都聞到香料味。牛展切得薄，可見刀功不凡。稔身入味但唔硬，真不錯。麵係上海麵，有韌性。

紫菜湯雲吞 ($46)

這個雲吞特別在於配上紫菜湯，坊間少見。雲吞並不是廣東的那種雲吞，而是像餃子的那種，皮比廣東雲吞的皮厚，不過餡一樣多。

菠蘿咕嚕肉 ($72)及菜飯 ($15@)

因為有幾個人，我就無點豬扒菜飯；但食咩配菜飯呢？朋友就話想食咕嚕肉。呢個咕嚕肉有菠蘿，好開心呀！咕嚕肉酸酸甜甜，肉質軟稔而口感，餸飯一流呀！

菜飯有啲濕，唔同快餐店好乾身，同白飯無異，只有幾粒菜個種。食落唔係只有鹹味，應該真係用上湯去煮，之後再加埋啲菜落去，呢啲先係真菜飯呀！

溏心蛋 ($10@)

我唔鍾意食流心蛋，生蛋，溫泉蛋呢類生蛋黃嘅食物，平時都唔食溏心蛋。但今次我哋有4人，點咗2隻，朋友就叫我試下。見佢哋食得咁滋味，隻多個樣又勁吸引，我就試下啦。咬一口，嗯，啲蛋白一啲都唔生，味道又幾好，好，我繼續食。食到中間蛋黃嘅部分，我發現個蛋黃都唔係完全生，個程度應該係95%啦～其實都幾好味～

食飯期間，就同老闆娘傾下。原來呢度午市好多客人，因為附近好多人返工，加上食物價錢水平合理，一個午市都做3、4轉，反而夜晚啲人放工就無乜人，所以我哋去到都係得1至2檯客。

你可能會話，整咗 Openrice，多 D人知，可能會好啲？老闆娘話當然有想過，不過佢唔可以保證咁樣可以幫到晚市，如果啲人午市嚟，反而無用（因為宜家午市已經飽和咗）。唉，做生意真係艱難喇！呢間小菜館啲嘢食好過連鎖店多多聲，又多選擇，真係唔想因為咁而無咗～

臨走之前，老闆娘話同廚師研究緊天氣凍啲嗰陣就供應「一人一鍋」打邊爐套餐，仲話叫我遲啲去試～有機會都會去試下嘅，至少水準一定好過阿樂同阿活啦～XD

搵食點：珍味煌小廚

搵食方向：尖沙咀廣東道82-84號流尚店10樓　（呢個都要記低喇！）
電話：2348 1008 / 9139 0226 　（呢個都要記低喇！）
＊提供免費wifi～

三度再訪 烤雞依然滋味

熟悉我的人都知，我甚少重覆去同一間餐廳。問題不在於餐廳，只是個人的心水餐廳太多，希望每次都能在priority list上選一間。

不過，今次吃的這家韓式烤雞店，竟然三度光顧：

• 第一次應該是剛開業不久的尖沙咀店，也是品牌進駐香港的第一店。
• 第二次該是去年的12月跟同學的聖誕聚餐。
• 第三次，便是今次。

雖然來了三次，但吃的食物竟然沒有相同的，真好。更難得的是，每一次吃完都覺得滿意，沒有丁點不悅。本來想分享3次用餐吃過的食物，惜找不到第一次吃的那些相片（可能因為曾經換電話吧），只能分享最近2次呢。

Fruity Soy Garlic Chicken $185

選擇太多，商討了一輪，就選了這個雞。侍應送來時，我看不到有蘋果，還以為是送錯了呢。因為餐牌的介紹說是有蘋果和檸檬的。雞的數量多至10件，我跟朋友看到便知合我們二人之力，一定要打包。

未放進口，已被烤雞那股酸甜濃郁的香味刺激到。嚐一口，外皮酸酸甜甜，我想是蘋果的甜加上檸檬的酸，但二者並沒有搶味，不俗。Soy是指醬油，我知道，外皮這麼深色，定是因為醬油了=）不過，醬油味不太重，跟香蒜味的合作天衣無縫。要知道，要是它們「爭寵」，那蘋果與檸檬便會無影無蹤。

烤雞有著酸甜微鹹的三種味道，外皮香脆有咬口，而雞肉嫩滑多汁，即使是中間的部分亦能「入味」，令人吃得津津有味，捨不得放下。

特製雞蛋卷 ($148)

雞蛋卷有2款，這款未吃過，蛋卷包著的餡料有青瓜、醃蘿蔔、蟹柳、甘筍、火腿及芝士，以煎好的蛋皮和紫菜捲著。蛋卷的蛋味很濃，但不甜；中間雖然包著很多看起來不相關的材料，但吃起來很「夾」，味道很好的。怪不得價錢高也成為熱門之選。

飲料就點了影相最搶眼的鯊魚形飲品。

Shark Blood – Non-alcohol ($88)

這個倒插鯊魚模型的飲品賣相最吸引，加上全藍上陣，完全令人想像到一個海底世界。這杯不是酒精飲品，只是純沙冰，沙冰味道酸酸甜甜，沒甚麼特別，不過解渴消滯不錯！

鯊魚都要飲水食雞呀！

朋友點的是平時在外面都能買到的  Somersby Apple，不過這裡的又是把它倒插上陣，可以用來影相。

Somersby Apple ($88)

說說第二次光顧吃甚麼吧！那次吃了蜜糖咖哩烤雞、韓式炒粉絲雞蛋卷和芝士年糕。飲品跟今次跟的大同小異。

蜜糖咖哩烤雞

聽名字總覺得「蜜糖」跟「咖哩」不太夾，但想不到吃起來又另有一番風味。烤雞剛來時，傳來撲鼻的咖哩味，令人食指大動。吃下去，就嚐到甜甜的蜜糖味，再滲著少許辣味，感覺很特別——聞著咖哩，吃著蜜糖！而雞肉的口感跟今次吃的無異，同樣嫩滑。

芝士炒年糕份量多，除了芝士和年糕，還有韓式魚腐皮、即食麵和雞蛋，真的駭人！這個菜的精粹莫過於「拉絲（芝士絲）」。鐵板上桌的原因都是因為把芝士保持在半溶的狀態，客人吃的時候，可以把芝士拉起，捲著年糕和其他材料一起吃，期間可以呈現出「拉絲」效果。

年糕口感煙韌軟腍，配上必食搭配的韓式辣醬，豈有失準的道理？即食麵和其他材料亦合乎期望。

另一個蛋卷就是韓式炒粉絲雞蛋卷。這次嘗過特式蛋卷之後，我便覺得粉絲蛋卷較遜色，可能是不太「夾」的緣故。不過，粉絲蛋卷比特製蛋卷飽肚，卻是不爭的事實。

柚子沙冰和莫希托味道也好，不過總覺得這裡的飲品叫價有點貴。

一直都覺得這店的烤雞較吸引，除了因為它不是油炸，而是烤焗之外，更重要的是它有多種口味，份量又多。一碟就像已經是一隻雞的份量，雞胸肉吃喜歡也不覺得「嚡口」，十分厲害。

吃了三次，個人覺得它絕對是香港連鎖韓式烤雞品牌的頭三位！有朋友說，NeNe 也不錯，不過似乎還有很長的人龍等著，我還是遲點才再去啦！值得一提的是，Goobne 雖然是連鎖店，但每家店的裝潢都不一樣，各有各風格。銅鑼灣店在鬧市中，以落地玻璃設計，店內靠窗座位可俯視街頭夜景。旺角店主要以「木色」及「白色」設計為主，予人清新感覺。大家可以就自己喜歡的風格去選擇分店喲。

銅鑼灣店新開業，吃完有雨傘送呀～我記得上次在旺角分店都有收到禮物，那時是水樽呀！

搵食點：Goobne Chicken

搵食方向：銅鑼灣登龍街18號V Point 25樓