平時去越式餐廳食碗牛河 Pho，至少都60蚊以上，但今次我竟然搵到一間唔使50蚊，牛肉仲要係安格斯牛，真心抵呀！
我哋去食晚餐，客人唔算多，但不時都會有客人進出。灣仔區食肆而言，算不錯。等待食物期間，我看到有外賣車服務的工作人員來取外賣，原來這家店也加入了Deliveroo的服務。
安格斯生牛肉牛丸湯河粉 ($48)
我們想試更多款食物，所以點了普通大小。
未吃河粉，看湯的色水，也感覺到這湯底比平常吃的Pho濃郁。
湯河上伴有芽菜、青擰、辣椒碎、九層塔，更添香味。
由於用上了安格斯牛肉，所以更注重牛肉的味道和口感。牛肉肥瘦均勻，晾起來也透薄；吃起來卻甚有口感，而且肉質軟腍。牛丸爽口彈牙，帶甜味，不過要是不切，可以原粒入湯便更完美。
以為湯底會鹹？一點也不會，雖然深色且帶少許藥材味，但竟不覺鹹亦不淡，恰恰好。
香茅蝦餅 (跟餐加 $15) 蔗蝦 (跟餐加$15)
我們跟餐分別配了蝦餅和蔗蝦，每款各2塊。
蝦餅有香茅的香味，炸得金黃吸引。而吃起來外皮脆卜卜，十分香口。蝦餅用蝦肉打成，爽口彈牙，好想食多塊。
蔗蝦呢？其實我未食過蔗蝦，今次係第一次。原來賣相咁得意，將蝦肉打成蝦膠之後，再包住條蔗。蝦膠一樣彈牙，同蝦餅有啲似，不過蝦餅外皮脆啲。
蔗清甜偏稔，可能因為炸過的緣故？又或者其實蔗蝦本來就係咁？我第一次食，唔知應該係點XDDD
越南咖啡 (熱) (跟餐加$15)
咖啡從來都不是我杯茶，朋友是個咖啡控，每天都要跟咖啡，說要提神。我始終覺得，這不是理由，只是心理作用，是把行為「合理化」的藉口。不過，跟越南咖啡，我並沒有阻止她，反而鼓勵她一試。
第一次跟，她不知道為什麼那麼少，更不知道有煉奶是在杯底……喝了半杯，她臉容像苦瓜乾一般問，為什麼這麼苦。2點鐘方向，她看到女生用匙攪拌咖啡杯！她才恍然大悟。哈哈，真有趣。「好飲好多！」我們都長知識了。
香茅豬扒飯 ($39)
豬扒份量多，大小比我的臉還要大！
餐廳細心得先把豬扒以條狀切開，方便進食。豬扒醃味好，夠入味，而且香茅味很香；豬扒無肥肉，食起嚟好痛快。白飯更伴上了炸蒜頭，令整個飯更滋味可口！
椰青水 (跟餐+9)
這是包裝好的飲品，不作評論。
越南手撕雞越式法包 ($32)
問朋友有無空位試埋個法包，難得一場嚟到，梗係要試埋啦。
好耐無食法包，呢度嘅法包聽講都唔錯，叫咗比較少有嘅「越南手撕雞越式法包」。
法包好大個，有我成隻手掌咁大！足料份量多，除咗勁多雞絲之外，仲有其他唔同嘅材料：蕃茄、生菜同醃蘿蔔。
法包烘到脆卜卜，但食落一啲都唔硬。我同朋友係自己搣開個法包嘅，證明個包唔會好硬啦。
手撕雞真係好多，我哋一邊食就一邊跌，食到好「呢hea」XDD
好耐無食法包，呢度嘅法包聽講都唔錯，叫咗比較少有嘅「越南手撕雞越式法包」。
法包好大個，有我成隻手掌咁大！足料份量多，除咗勁多雞絲之外，仲有其他唔同嘅材料：蕃茄、生菜同醃蘿蔔。
法包烘到脆卜卜，但食落一啲都唔硬。我同朋友係自己搣開個法包嘅，證明個包唔會好硬啦。
手撕雞真係好多，我哋一邊食就一邊跌，食到好「呢hea」XDD
搵食點：Pho 778
沒有留言:
張貼留言